Толық нұсқа
Өлшемі  A  A  A
Сайт түсі   C    C    C 
Бейне  Йә  Жоқ
Шрифт
Arial 
Times 
Verdana
Интервал
Қалыпты
Орташа
Ірі
КӨШПЕЛІ АЛҚА МӘЖІЛІСІ ӨТТІ
28/04/2017 - 16:45
Кеше Сырдария ауданында облыстық денсаулық сақтау басқармасының көшпелі алқа мәжілісі өтті. Жиынға облыстық денсаулық сақтау басқармасының басшысы А.Әлназарова, аудан әкімінің орынбасары Б.Өтегенова және Қызылорда қалалық, Сырдария, Арал, Қазалы, Қармақшы, Жалағаш, Шиелі, Жаңақорған аудандық ауруханаларының бас дәрігерлері мен тиісті бөлім басшылары, БАҚ өкілдері қатысты. Бұл туралы аудан әкімдігінің  баспасөз қызметі хабарлады.
Көшпелі алқа мәжілісіне қатысушылар ең алдымен аудандық мекемелер үйінде болып, ғимарат жұмысымен танысты. Мұнан кейін сала мамандарының қатысуымен аудандық мәдениет үйінде кеңейтілген жиын өтті.
Жиын барысында «Амбулаториялық-емханалық» қызметі бар Сырдария аудандық ауруханасының бас дәрігері Манат Садықова есепті мерзімде атқарылған жұмыстар жөнінде баяндама жасады. Көшпелі алқа мәжілісінде аудан әкімінің орынбасары Б.Өтегенова міндетті әлеуметтік медициналық сақтандыру жүйесі туралы хабарлама жасап, сала мамандарынан құрылған ақпараттық-насихаттық топ мүшелерінің әрбір ауылды аралап, түсіндірме жұмыстары жүргізілгенін айтты.
Мұнан соң аудандық аурухананың бас дәрігерлері хабарлама жасап, бекітілген жоспарлардың орындалу барысын жеткізді. Жиын соңында басқарма басшысы Ақмарал Шәріпбайқызы сала мамандарына нақты тапсырмалар беріп, халық денсаулығын жақсарту – басты мақсат екенін атап өтті.
28/04/2017 - 15:00
Кеше  көркемсурет галереясында Қызылорда қаласының 200 жылдығына орай «Жайнай бер, Қызылорда!» атты республикалық суретшілер симпозиумының ашылу салтанаты болып өтті.  
Онда сөз алған облыс әкімінің орынбасары Руслан Рүстемов қылқалам өнерінің ұлттық руханияттағы алар орнына тоқталды. Сырдағы симпозиум аясында бас қосқан суретшілерге табыс тіледі.  
Облыс әкімінің тікелей қолдауымен өткізіліп отырған симпозиумға Астана, Алматы, Ақтөбе, Тараз, Шымкент, Павлодар, Петропавл, Қарағанды, Өскемен   қалаларынан Қазақстанға танымал қылқалам шеберлері, сондай-ақ, жергілікті   суретшілер қатысуда.
Қазақстан Суретшілер одағының облыстық филиалы жетекшісі Амангелді  Кененбаевтың айтуынша республикалық симпозиумның Сырда өткізілуі үлкен табыс. Талант иелері бас қосқан шарада бейнеленген картиналар көркемсурет галереясына сыйға беріледі.
Бүгін симпозиум қонақтары Қармақшы ауданындағы Қорқыт ата кешенінде болып, құрбандық шалды. Аруақтар рухына арнап Құран оқыды. Осыдан кейін ғана пейзаждар мен этюдтер салуға кірісті.
Қылқалам шеберлері осыдан кейін Жаңақорған ауданына барады. Үшінші мамыр күні болатын шара қорытындысына орай көркемсурет галереясында көрме өтеді.
КЕДЕНДІК ДЕКЛАРАЦИЯЛАУ БАҒЫТЫНДАҒЫ ЖАҢА ТАЛАПТАР
28/04/2017 - 12:15
Департамент басшысының орынбасары Әли Қабиұлы Майхиев бұл мәжіліске шығарылып отырған тақырып өткен жылдың 30 қарашасында қол қойылған  «Қазақстан Республикасының салық салу және кедендік әкімшілендіру мәселелері бойынша бірқатар заңнамалық актілерге өзгерістер мен толықтырулар енгізу туралы» заңмен қолданысқа енген жаңа талаптарды түсіндіру бағытында жүргізіліп отырған кезекті шара екенін атап өтті. Жыл басынан бері кеден бағытындағы бірқатар өзгерістерді таныстыру үшін Ұлттық кәсіпкерлер палатасы облыстық филиалымен бірлескен бірнеше «дөңгелек столдер» өткізілді, жергілікті баспасөзге жарияланымдар берілді.
Мұнан соң кеден саласында болып жатқан жаңа өзгерістер мен тың бастамашылықтар бойынша Кедендік бақылау басқармасының маманы Талғат Төлегенов хабарлама жасады.
Тауарға арналған декларацияны ұсыну кезінде адам факторын болдырмауға мүмкіндік беретін электронды декларациялаудың жаңа нысаны АСТАНА-1 ақпараттық жүйесін таныстырды. Бұл ақпараттық жүйе Бүкіләлемдік сауда ұйымының нормаларына және халықаралық стандарттарға сәйкес жасалған.        Алдымен Астана, Алматы қалалары және Алматы, Қарағанды облыстары бойынша МКД базасында қанатқақты сынақтар басталды. 2017 жылдың ақпанына Қызылорда облысы бойынша МКК қызмет аумағында да қанатқақты сынақтар басталып, екі айдың көлемінде Департаменттің кеден бекеттерімен 993 ТАД толтырылып, тіркелген. Күтілетін түпкілікті нәтиже: 2017 жылдың 1 шілдесінен толықтай өндіріске енгізу.
Қазақстан Республикасы Премьер-Министрінің 2016 жылғы 30 сәуірдегі №32-Р өкімімен облыс орталықтарында және Астана және Алматы қалаларында, сондай-ақ ЕЭО сыртқы шекарасының Қазақстан учаскесіндегі өткізу пункттеріне тікелей жақын жерде кедендік рәсімдеу орталығының құрылысын қамтамасыз ету бойынша қажетті шаралар жүргізілуде. Кедендік рәсімдеу орталығының жаңа нысаны тауар айналымын, жүк ағымдарының көлемін, облыстың географиялық орналасуына қарай, басқа да мемлекеттік бақылаушы органдармен бірлесіп құру үшін 3 түрлі үлгіде жүргізілуде:
- 40 жұмыс орынына 6 га жер учаскесімен;
- 60 жұмыс орынына 8 га жер учаскесімен;
- 120 жұмыс орынына 10 га жер учаскесімен.
Тауар ресімдеу үшін қолайлы жағдай жасауға бағытталған мұндай Кедендік ресімдеу аумақтарының құрылысын аяқтау аймақтарда 2018 жылы жоспарлануда.
Мәжіліс төрағасы Ә.Майхиев «Облыстық тұтынушылардың құқығын қорғау қоғамы» және Кәсіпкерлер палатасының облыстық филиалы өкілдері сұрақтарына жауап берді, делінген департаменттің баспасөз қызметінің хабарламасында.

 

ЖҰМЫСШЫ ЖАСТАР ФУТБОЛ АЛАҢЫНА ШЫҚТЫ
28/04/2017 - 11:30
Қызылорда облысының жастар саясаты мәселелері  басқармасының қолдауымен «Қызылорда облысының жастар Одақтары» қоғамдық бірлестігі мен облыстық «Жастар ресурстық орталығы» КММ сауда орындарында жұмыс жасайтын жастар арасында шағын футболдан жарыс ұйымдастырды.
Спорт бәсекесіне қаладағы барлық базарлар мен сауда орындарында жұмыс жасайтын жастардан жасақталған 16 команда қатысты. Жарыс қорытындысында «Айтбек»  базарының командасы жеңіске жетті. ІІ орынды «Ескі» базар командасы иеленсе, ІІІ орын Н. Ілиясов ауылынан келген «Қайнар» сауда орталығының командасына бұйырды.
Сонымен қатар «Үздік қақпашы», «Үздік шабуылшы» номинациялары тапсырылды. Жеңімпаз командаларға бағалы сыйлықтар табысталып, қатысушы командалар Қызылорда облысының жастар саясаты мәселелері  басқармасының   алғыс хатымен  марапатталды.

 

Батапқы бетке еш контент құрылмады.