ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Облыс әкімі Ысқақов Қуанышбек Досмайылұлының блогы

Құрметті оқырмандар!

Қызылорда облысы әкімдігінің ресми веб-порталына қош келдіңіздер!

 

Сыр өңірі - Алашқа ана, талайға пана болған, ұлы ойшыл Қорқыт Ата дүниеге келген, ежелгі шығыс өркениетінің орталығы, түркі мәдениетінің алтын көмбесі болған қасиетті мекен!
Сыр өңірі - адамзаттың Айға ұшар арманы орындалған, әлемдік зерттеулерге жол ашқан өміршең өлке! 
Тәуелсіз Қазақстанның сындарлы мемлекеттік саясатының арқасында облыстың әлеуметтік-экономикалық дамуы жыл сайын артып келеді. Аймағымыз өсіп-өркендеудің жаңа белесіне шығып, аграрлық өңірден индустриялық-аграрлық өңірге айналды. Білім, денсаулық салалары жанданып, мәдени, рухани тұрпаты жаңарды. Сырдарияның сол жағалауына жаңа қала салынып, ел қоныстануда.
Осы орайда, жаңа технологиялар ғасырында интернет желісінің мүмкіндіктерін пайдалана отырып жасақталған ресми-порталдан Қызылорда облысының күнделікті тыныс-тіршілігі, даму тенденциялары туралы маңызды мәліметтерді таба аласыздар.
Портал - оқырман сұранысын толықтай қанағаттандырып, рухани қажеттіліктеріңізді жедел ақпаратпен қамтамасыз ететін сенімді серіктеріңізге айналады деген сенімдеміз.
 
Басқарма: 
Облыс әкімі
Лауазымы: 
Аким

Сұрақтар

Беттер

Садвакасов Нұрлан Категория Мемлекеттiк органдардың жұмысы туралы Дата: 01.10.19

Вопрос:

Құрметті Қырымбек Елеуұлы. Мен Садуақасов Нұрлан Шәмшідінұлы 2018 жылы өңірдің тазалығын жақсарту мақсатында «Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде өз иновациялық жобамды мемлекеттік грантқа ұсынып, пара бермеген соң мемлекеттік грантты жеңіп ала алмадым. Осы жобамен несие алудың да жолы алыстап, соңында өзіңіздің қолдауыңызбен 3 000 000 тенге несие алып, өз кәсібімді бастаған болатынмын. Несиенің аты несие. Алған несиеңді пайызымен қоса есептеп қайта құю қажет. Ал бұл кәсіп мемлекеттің қолдауынсыз аса бір табысқа кенелетін кәсіп емес. Қазіргі таңда қайта өңдеуге жататын қатты тұрмыстық қалдықтарды қабылдау орталығы жұмыс істеп тұр. Бұл менің жоспарлаған жұмыстарымның алғашқы қадамы ғана. Алдағы уақытта осы қалдықтарды өңдейтін өндіріс көзін ашпақшымын. Бірінші мезетте заң талаптарына сай қайта өңдеуге жататын қатты тұрмыстық қалдықтарды бөліп алып, қабылдау орталығына жинап, сұрыптап, қайта өңдеуге жөнелтіп, көше тазалығын санитарлық талаптарға сай тазалап отыру жоспарым, аудан, кент әкімдерінің түсініксіз іс-әрекеттерінің салдарынан жүзеге аспай отыр. Осы салада заң талаптары бұзылып жатқандығы жайлы кент әкімдігіне, аудан әкімі Ғ.Әміреевтің жеке қабылдауында бірнеше мәрте болып, мәселені көтергеніммен, аудан әкімшілігі осы мәселемен тікелей айналысатын кент әкімінің орынбасары Ж.Мырзалиевке ауызша, жазбаша берген тапсырмаларын орындатуға дәрменсіз болып отыр. Заң талаптарының бұзылып жатқандығы жайлы аудандық прокуратураға арыз түсірдім, нәтиже жоқ. Өзіңіздің жеке қабылауыңызды сұрап жазған өтінішім де аяқсыз қалды. Қазіргі таңда біздің кәсіпорынмен атқарылып жатқан жұмыстарға мемлекеттік қаржылай көмектің керек екені сөзсіз. Алайда әзірге мемлекеттік органдар менің жазған арыздарыма толық қанды жауап қайтармай, түсініксіз, мардымсыз жауаптармен шектеліп, заң талаптарының бұзылуына ықпал жасауда. Республикада қатты тұрмыстық қалдықтарды қайта өңдеп, экологиялық талаптардың сақталуын қадағалау жөнінде Қызылорда облысы ең соңғы орындарда жүргеніміз осының салдары болуы керек. Сол себепті осы іс-шараға аса мән беріп, заңсыз әрекеттердің жолын кесуге тікелей тапсырма беруіңізді және «Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде біздің кәсіпорынға Өзіңізден қаржылай қолдау көрсетуіңізді сұраймын.

Ответ:

Қызылорда облысының кәсіпкерлік және туризм басқармасы Сіздің өтінішіңізге сәйкес, Жаңақорған аудандық Кәсіпкерлік, өнеркәсіп және туризм бөлімі, Қызылорда облысының табиғи ресурстар және табиғат пайдалануды реттеу басқармасына және «Қызылорда» Өңірлік инвестициялық орталығы» Микроқаржылық ұйымы» ЖШС-не, арнайы сұраныс хат жолдап, зерттеу жұмыстарын жүргізген болатын.
Жүргізілген жұмыстар нәтижесінде, «Қызылорда» Өңірлік инвестициялық орталығы» Микроқаржылық ұйымы» жауапкершілігі шектеулі серіктестігі арқылы 2018 жылы 11 қазанында №6/2 Бақылау Кеңесінде жеке кәсіпкер «Нұр Шах» Садвақасов Нурлан Шамшидинович «Қайталама шикізатты қайта өңдеу» жобасын кеңейту бағытында қосымша 2 000 000 (екі миллион) теңге көлемінде (айналым қаражатын толықтыру мақсатында) микронесие қаражатына оң шешім қолдау алғандығыңыз анықталды.
Осы орайда, тұрмыстық қатты қалдықтарды санитарлық талаптарға сәйкес қайта өңдеу өндірісін жандандыру үшін жалпы 3 000 000 (үш миллион) теңгеге дейінгі мемлекеттік қайтарымсыз грант қаражаттары Қазақстан Республикасы Үкіметінің 2018 жылғы 25 тамыздағы №522 қаулысымен бекітілген «Бизнестің жол картасы 2020» бизнесті қолдау мен дамытудың мемлекеттік бағдарламасы (бұдан әрі – Бағдарлама) және Бағдарлама аясында 2016 жылғы 19 сәуірдегі №234 қаулысымен бекітілген шағын кәсіпкерлік субъектілеріне мемлекеттік гранттар беру қағидаларына (бұдан әрі – Қағида) сәйкес жүзеге асырылады. Бағдарлама талаптарына сәйкес мемлекеттік қайтарымсыз грант қаражаттары конкурстық іріктеу негізінде кәсіпкерлердің жаңа бизнес-идеяларына ұсынылады және конкурстық іріктеуді өткізу үшін алдын-ала бұқаралық ақпараттық құралдарына хабарландыру беріледі. 
Кәсіпкер облыстық бұқаралық ақпарат құралдарына жарияланған хабарландыруға сәйкес төмендегі құжаттар тізбесін әзірлеп, конкурсқа қатысуға өтінім білдіреді:
Ол үшін, Сіз төменде көрсетілген құжаттар тізбесін әзірлеп, конкурсқа қатысуға өтінім білдіруіңіз қажет:
1. Мемлекеттік гранттар беру бойынша конкурстық іріктеуге қатысуға арналған өтінім;
2. Заңды тұлғаның/дара кәсіпкердің мемлекеттік тіркеу туралы куәліктің көшірмесі;
3. Өтініш берілген күнге дейін кемінде күнтізбелік 30 күннен кешіктірілмей берілген бюджетке төленетін міндетті төлемдер бойынша берешектің жоқ екені туралы анықтама;
4. Өтінім берілген кездегі жалдамалы жұмыскерлердің орташа саны туралы басшының қолымен және өтініш берушінің мөрімен болған кезде расталған анықтама;
5. Бизнес-жоба;
6. Бағдарламаның және/немесе Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының шеңберінде кәсіпкердің оқудан өткенін растайтын құжаттың көшірмесі;
7. Кәсіпкердің ағымдағы шотында ақша қаражатының бар екені туралы банк шотынан үзінді немесе жылжымалы және/немесе жылжымайтын мүліктің бағалау құнын растайтын құжаттар;
8. Кәсіпкердің атынан өтінім беру құқығы бар сенімхат, сенім білдірген адам паспортының (заңды тұлғаның атынан – заңды тұлға куәландырылған) көшірмесі. 
Жаңа бизнес-идеяларды іске асыруға арналған ұсынылатын мемлекеттік грант көлемінің кемінде 10%-ы мөлшерінде іске асыруға арналған шығыстарды кәсіпкердің қоса қаржыландыруы (ақшалай қаражаты), оның ішінде жылжымалы және/немесе жылжымайтын мүлікпен, сондай-ақ жаңа жұмыс орындарын құру бизнес-жобаның міндетті шарты болып табылады.
Конкурстық іріктеуді бекітілген Қағидаға сәйкес конкурстық комиссия жүргізеді. Конкурстық комиссия төрағадан, төрағаның орынбасарынан, конкурстық комиссия мүшелерінен тұрады, ал оның құрамы атқарушы билік, қоғамдық бірлестіктер өкілдерінің, салалық сарапшылардың, ғылыми-білім беру мекемелерінің, өңірлік бұқаралық ақпарат құралдарының міндетті қатысуы арқылы қалыптастырылады. Бұл ретте, жергілікті атқарушы органдар, (Қызылорда облысының кәсіпкерлік және туризм басқармасы) мен қаржы агенттігінің өкілдері конкурстық комиссияға төраға бола алмайды.
Бағдарлама аясында шағын және кәсіпкерлік субъектілеріне мемлекеттік гранттар беру/бермеу туралы шешімді конкурстық комиссия қабылдайды.
Бағдарлама аясында өткізілетін конкурсқа құжаттар ағымдағы жылдың 
10 маусымынан бастап 21 маусымын қоса алғанда жергілікті уақытпен кәсіпкерлер үйінің 1-қабатында қабылданады. Бұл жөнінде хабарландыру «Сыр бойы және Кызылординские вести» газеттерінде жарияланған.
Жоғарыда аталған Заңының 12 бабына сәйкес берілген жауапқа қанағаттанбаған жағдайда Сіздің жоғары тұрған лауазымды тұлғаға немесе сотқа шағым жасауға құқылы екендігіңізді атап өтеміз.
 

Искаков Арнур Дата: 01.10.19

Вопрос:

Қайырлы күн Наурыз мөлтек ауданына көгілдір отын жүргізу қай уақытқа жоспарланып жатқанын хабардар қылып айтып қойсаңыз жақсы болар еді. Өйткені бұндағы халық осы әлеуметтік сұрақ қатты толғандырып отыр, халық өркениетті дамыған ортада тұрғысы келеді бірақ осы газ мәселесі барлық жоспарларды болдыртпай отыр (осы районға көшіп барғысы келеді). Жауабыңызға көп-көп рахмет...

Ответ:

2017 жылы облыстық бюджеттен «Қызылорда қаласындағы Шыны зауытынан АГТС-1БГРП-1 және БГРП-2-ГРП-Наурыз, Махамбетке дейінгі жоғары қысымды 1,2 МПа газ құбырының құрылысы және Махамбет және Наурыз елді-мекендерін кварталішілік газдандыру» жобасының жоба-сметалық құжаттамаларын әзірлеу және мемлекеттік сараптамадан оң қорытындысын алу үшін қаржы қаралды. Бүгінгі күні, жоба-сметалық құжаттама әзірленіп, мемлекеттік сараптама қарауында.
Алдағы уақытта, мемлекеттік сараптаманың оң қорытындысынан кейін, бюджеттің мүмкіншілігіне қарай қаржы бөлінген жағдайда құрылыс-монтаж жұмыстары басталатындығын жеткізеді.
Берілген жауапқа қанағаттанбаған жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға немесе сотқа шағым жасауыңызға болады.
 

Толеген Такен Категория Өлкелер Дата: 01.10.19

Вопрос:

Кызылорда облысы. Жанакорган ауданы. Бесарык ауылдык округинин ишинде ауыз су тартылганына байланысты кошелер мен жол маселеси. Курметти К. Кошербаев мырза. Былтыр ягни 2018 жылы ауылымызга ауыз су тартты деп куанып едик. Бирак онын труба шлангаларын гос стандарт бойынша комген жок. Дурыстап бетин жапкан жок. Астан кестенин щыгарып кетти. Биринши жанбырдан сон быраз жерлер ойылып кетти. Ауыл халкы колдарынан келгенше бетине топырак тас тастап жабуда. Ауыл акими Абдуллаев Алибек мырзадан сурасак келеси жылы коктемде су жургизген мердигер компания дурыстап битирип кетеди деген. Коктем отип жаздын ортасы келди. Але сол калпы жатыр. Бир созбен айткан да ауыл акими жумыс жасамайды. Бир колик отсе коше ак шан болып кетеди. Акимге каншама рет ауыл жастары болып та ага буындармен де кирип шагым айтканымызбен натиже жок. Фото далелдер бар

Ответ:

2018 жылдың күз айында Жаңақорған ауданы, Бесарық ауылдық округіне қарасты Бесарық және Кеңес ауылдарына ауыз су жүйесін тарту жұмыстары басталып, толығымен аяқталмаған болатын. Бұл жұмыстар «Арал» салынып жатқан кәсіпорындардың бірлескен дирекциясы Қызылорда облыстық филиалы арқылы жұргізілген. Ауыз су жүйесі тартылғаннан кейін көшелердің бұзылған жерлерін қайта калпына келтіру жұмыстарын су жүйесін жүргізген мердігер компания осы жылдың көктем айынан бастау керек болатын. Алайда, аталған уақытта бұзылған көшелерді қалпына келтіру жұмыстары жүргізілмегендіктен ауыл әкімдігі тарапынан бірнеше рет ескерту хаттар жолданған. 
Қазіргі таңда көшелердің бұзылған жерлерін қайта калпына келтіру жұмыстары басталды.
Мәселе бойынша ауыл тұрғындарының ауыл әкіміне жасаған ұсыныс-пікірлері ескеріліп, қалпына келтіру жұмыстары үнемі қадағаланып ауыл әкімдігінің бақылауында тұрғанын хабарлаймын.
Жауапқа қанағаттанбаған жағдайда ҚР «Жеке және заңды тұлғалардың өтініштерін қарау тәртібі туралы» Заңына сәйкес қабылданған шешімге шағым жасауға құқығыңыз бар.
 

Орынбаева Нұрханым Категория Әлеуметтiк қамсыздандыру Дата: 01.10.19

Вопрос:

Сәлеметсіз бе? Әкім мырза. Мен қызылорда қаласының тұрғыны жасым 26да. 4баланын анасымын. Жолдасым туберкулез бен ауырып қазір еңбекке жарамайды. 2016ж жолдасым ИП ашқан еді, ИП жұмыс жүргізілген жоқ енді жауып тастай алмай отырмыз. АӘК алалмай отырмын ИП бар деп шықпАйды деді. Кватирада тұрамыз мен баламен үйдемін жолдасым қазір үйде ауырып қала береді. ИП жабалмай, АӘК алалмай отырмын. Осы жөнінде көмектесіп жіберіңізші өтініш сізден бар үмітім сізде? Өтініш сізден 4баламен квартира табуда өте қиын. Өтініш сізден қол ұшын созып жіберіңізші өтініш

Ответ:

Жеке тұлға Н.Орынбаеваның жолдасы Кемалов Досбол Еркінұлының дара кәсіпкерлігін оңайлатылған тәртіппен тоқтату (жабу) үшін «Қазақстан Республикасы салық және міндетті төлемдер туралы»Салық кодексінің 67-бабының 1 тармағының талаптарына сәйкес,салық төлеушінің қызметті тоқтату туралы салықтық өтініші және осы баптың 2-тармағының талаптарына сәйкес, салықтық берешегі, әлеуметтік төлемдер бойынша берешегі жоқ туралы анықтама ұсыну керек екендігін хабарлайды.

Нуржанова Мария Категория Жалпы мәселелер Дата: 01.10.19

Вопрос:

Саламатсызба Кырымбек Кошербаев мырза!Мен Нуржанова Мария.Мен жалгызбасты анамын.Еки балам бар.Жумыс жасамайм.Алдын окимын деп окуга тиркелгем.Бирак 1380адам тиркеуде али кезегин келмейди деп кайтарып жиберди.Енди сурайын дегеним мен ПОСОБИЯ тапсырайын дегем.Енди маган пособия жагынан комектессениз.Озим патерде турам.Жагдайым томен маган пособия жагынан комек берсениздер.

Ответ:

«Мемлекеттік атаулы әлеуметтік көмек туралы» Қазақстан Республикасының Заңына сәйкес Сіздің отбасыңызға 2019 жылдың сәуір айынан бастап енгізілген әлеуметтік көмек тағайындаудың жаңа тәртібі бойынша ай сайын 41578 теңгеден он екі ай мерзімге 498 936 теңге атаулы әлеуметтік көмектің шартты ақшалай түрі тағайындалып, сәуір, мамыр айлары үшін 83156 теңгесі жеке есеп шотыңызға аударылды.
Қазақстан Республикасының 2007 жылғы 12 қаңтардағы «Жеке және заңды тұлғалардың өтініштерін қарау тәртібі туралы» Заңының 12-бабына сәйкес өтінішіңіздің жауабына қанағаттанбаған жағдайда жоғары тұрған лауазымды тұлғаға, субьектіге немесе тікелей сотқа шағымдануға құқылы екендігіңізді түсіндіреміз.
 

Жолмаханова Зауре Категория Жалпы мәселелер Дата: 01.10.19

Вопрос:

Салеметсизбе. Мен уйде отырган 2баланын анасымын декреттик демалыстамын куйеуим базарда грузшик болып жумыс жасайды. Атаулы алеуметтик комек жайлы жумыспен камту орталыгына барып едим кезектен Кире алмадым куйеуим миндетти турде жумыссыз боп тиркелу керек екен бирак ол жиберген жумыстарынын акшасы томен озимиз квартирада турамыз акшамыз жетпегеннен кредит алуымызга мажбур болдык басымызда 5 кредитымыз бар Калай 3айда беретин пособияныда алдыртып тастады кешеги Астана каласында болган жагдайга байланысты балдарымды кайда тастарымдыда билмеймин коркамын атаулы алеуметтик комек берилсе екен пособия берилсе болмаса уй берилсе екен

Ответ:

«Қызылорда қаласының тұрғын үй коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» коммуналдық мемлекеттік мекемесі, Сізге мемлекеттік тұрғын үй қорынан арендалық тұрғын үй алу кезегіне тіркелмегендігіңізді хабарлайды.
Қазақстан Республикасының «Тұрғын үй қатынастары туралы» Заңының 74 бабының 1 бөлігіне сәйкес мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі және аталған баптың 3 тармағына сәйкес тізімге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын және жетім балалар мен ата-анасының қамқорлығынсыз қалған балаларды қоспағанда, ешкімнің де басымдық құқығы болмайды.
Жоғарыда аталған санаттарға жеңілдіктеріңіз сәйкес келген жағдайда тұрғын үй алу кезегіне тіркелу үшін міндетті түрде Қызылорда қаласына тұрғылықты тіркеліп, төменде көрсетілген тиісті құжаттарды Қазақстан Республикасының «Тұрғын үй қатынастары туралы» Заңына сәйкес 5 жыл көлемінде жеке меншігіңізде тұрғын үй болмаса Халыққа қызмет көрсету орталығына тапсыра аласыз.
1. Жылжымайтын мүлік тіркелмегендігі туралы (ХҚКО-нан) анықтама;
2. Жеке куәлік көшірмесі;
3. Неке туралы куәлік көшірмесі;
4. Жеңілдіктеріңіз туралы анықтама;
5. ХҚКО-нан мекен жай анықтамасы;
6. Жеке арызыңыз /Қала әкімі Н. Нәлібаевқа/.
Сонымен қатар, «Қызылорда облысының халқын қолжетімді баспанамен қамтамасыз ету бойынша 2018-2020 жылдарға арналған «Орда» Жол картасы бағдарламасы аясында, жергілікті атқарушы орган (ЖАО) тұрғын үй құрылысы аяқталған соң, бұқаралық ақпарат құралдарында және қала әкімдігінің (www.kyzylorda.gov.kz) веб-сайтына Бағдарламаны іске асыру бағыттарын, азаматтардың санаттарын көрсете отырып, тұрғын үйді сату шарттары, тұрғын үйдің сипаттамалары, құжаттарды қабылдау басталатын және аяқталатын күні туралы хабарландыру жариялауды қамтамасыз етеді.
Сондай-ақ, Сізге Қазақстан Республикасы Ұлттық Банкі Басқармасының 2018 жылғы 31 мамырдағы №107 қаулысымен бекітілген «7-20-25 Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасына қатысуды ұсынамыз. 
Бағдарлама Мемлекет басшысының 2018 жылғы 5 наурыздағы халыққа арналған «Президенттің бес әлеуметтік бастамасы» үндеуінде айтылған бірінші әлеуметтік бастаманы іске асыру шеңберінде әзірленді.
Атап айтқанда, ипотекалық тұрғын үйдің сыйақы мөлшерлемесі – жылдық 7%, бастапқы жарна – 20%, қарыз мерзімі – 25 жылға дейін болатын талаптарына сәйкес беріледі.
Бағдарламаға Қазақстан Республикасының еңбек және (немесе) кәсіпкерлік қызметтен алатын табысы бар, сондай-ақ меншік құқығында тұрғын үйі жоқ кез келген азаматы қатыса алады.
7-20-25 Бағдарламасының талаптарын түсіндіру үшін Қазақстан Ұлттық Банкінің «ҚҰБ «Online» мобильдік қосымшасында 2018 жылғы 19 маусымнан бастап «7-20-25» жаңа бөлімі іске қосылды, онда осы Бағдарламаға қатысты қызығушылық тудыратын сұрақтарға жедел  жауап алуға болады.
Толық түсіндірме алу үшін мүмкіндігіңіз болса Өзіңізді «Қызылорда қаласының тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» коммуналдық мемлекеттік мекемесінде әр аптаның сәрсенбі күні сағат 16:00-ден 18:00 аралығында бөлім басшысы жүргізетін азаматтардың жеке қабылдауына шақырамыз.    
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа шағымдануға құқығыңыз бар екені түсіндіріледі.
 

Сеилова Гулсим Категория Жалпы мәселелер Дата: 01.10.19

Вопрос:

Құрметті Қырымбек Елеуұлы. Сіздің сыр еліне жасап жатқан істеріңізден, жобаларыңыздан әрқашанда хабар алып отырамыз. Солардың ішінде баспана мәселесі бізді қуантып отырады. Қаншама үйлер салынып, мұқтаж семьялар, кезекте тұрғандар үйлі болып жатыр. менде 2006 жылдан кезекте тұрамын. 3 балам бар, күйеюім 2008 жылдан хабар ошарсыз жоғалып кеткен. осы күнге дейін квартирада, туысқандарымның уйінде паналап жүрміз. өзім мүгедекпін. 2018 жылы қала әкіміне шыққанымда, олар маған жилстройға ақша салыңыз, сізге міндетті түрде, кезекте тұрғандарға үй беріледі дегесін жилстройбанкке 550мың тенге қарызданып, ақша салдым. биыл 23.01.2019 жылы сіздің баллыңыз жетпейді деген хабар келіп тұр. Құрметті Қырымбек Елеуұлы егер қарапайым мұқтаж қара халық үй ала алмаса, онда сіздің салып жатқан үйлеріңіз кім үшін. .

Ответ:

Қызылорда қаласы әкімдігінің «Қызылорда қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» коммуналдық мемлекеттік мекемесі, Сіздің тарапыңыздан пәтерге байланысты жазылған 2006 жылғы 12 шілдедегі арызыңыз бойынша пәтер кезегіне халықтың әлеуметтiк жағынан қорғалатын әлсiз тобына тіркелгенсіз. Кезегіңіздің реттік саны – 546.                                  
Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.                            
Сондай-ақ, аталған баптың 3-тармағына сәйкес, тізімге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.
Сіздің «Орда» тұрғын үй бағдарламасы бойынша қалдырылған жазбаңыз бойынша төмендегіні хабарлаймыз:
Басты назар аударатын ақпарат, құрылыс жұмысына қала әкімдігі тапсырыс беруші емес. Және де пәтерлерді Құрылыс компаниясы мен «Тұрғын Үй Құрылыс Жинак Банкінің» арасындағы келісім негізінде жүргізілуде. Мердігер мекеме құрылыс жұмыстарын өз қаржысы есебінен жүргізуіне байланысты тұрғын үйлерді өз таңдауы бойынша қала тұрғындарына ұсына алады. Яғни, 1,2 мен 3-ші қабат несие алу арқылы рәсімделсе, ал 4-ші мен 5-ші қабат тікелей сатып алуға мүмкіндігі жоқ тұрғындарға жеңілдік жасау мақсатында ұзақ мерзімді сатып алу құқығымен жалға берілетін "Орда" тұрғын үй бағдарламасы арқылы тұрғын үй беру қарастырылды.
Бұл Бағдарламаға өзіне қолайлы, төлем қабілеті бар азаматтар ғана өтініш беруге құқылы (оның ішінде халықтың әлеуметтік жағынан әлсіз топтары).
«Орда» Бағдарламасы бойынша берілетін пәтерлер мемлекеттік тұрғын үй қорынан кезек реттілігімен берілетін, коммуналдық тұрғын үй қорындағы үйлерге жатпайды. Яғни, бұл бағыт бойынша пәтер алған азаматтар пәтер құнын толық өтеп болған соң өз атына аударып алады.
2019 жылы аталған Бағдарлама өз жалғасын тауып, сол жағалаудан бой көтеріп жатқан үйлерден кезекте тұрған азаматтар қалаған пәтерлеріне өтініш беру арқылы қол жеткізе алады.
Сонымен қатар, «Орда» бағдарламасы арқылы берілетін тұрғын үйлердің пәтерлерін бөлу, бөлімнің құзырына кірмейтіндіктен, Сізге Қазақстан тұрғын үй құрылыс жинақ банкіне жолығуыңыз қажеттігін хабарлаймыз. 
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа шағымдануға құқығыңыз бар екені түсіндіріледі. 
 

Ибрашева Жанат Категория Әлеуметтiк қамсыздандыру Дата: 01.10.19

Вопрос:

Саламатсызба 10 жыл патер кезегнде турганыма озим 1 топ мугедегимин,27,жылболды, созда бери туракты уим,жок,ен,болмаса,арендага,берсенздер,5-8,мыннан,толеитин ,наше,жылдан,патер,жалдап,журмин,

Ответ:

«Қызылорда қаласының тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» коммуналдық мемлекеттік мекемесі, Сізге 2010 жылғы 23 қарашадағы  арызыңыз бойынша пәтер кезегіне халықтың әлеуметтік жағынан қорғалатын әлсіз тобына (І-топ мүгедегі ретінде) тіркелгендігіңізді, бүгінгі күнге кезегіңіздің реттік саны-3300 екендігін хабарлаймыз.
Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.                            
Сондай-ақ, аталған баптың 3-тармағына сәйкес, тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.
Жоғарыда аталған Заңның талаптарына сәйкес тұрғын үй алу кезегінде тіркелген азаматтардың тізімі 2013-2017 жылдары жергілікті баспасөз құралдарында («Ақмешіт апталығы», «Ел тілегі», «Ақмешіт ақшамы» газеттерінде) жарияланған болатын.
Тұрғын үй алу кезегіне тіркелген азаматтардың кезек реттілігі бұл бағыттағы жұмыстардың ашықтығын және қолжетімділігін қамтамасыз ету мақсатында қала әкімдігінің (www.kyzylorda.gov.kz) веб-сайтына әр ай сайын толықтырулармен ұдайы жаңаланып, орналастырылады.
Сонымен қатар, «Қызылорда облысының халқын қолжетімді баспанамен қамтамасыз ету бойынша 2018-2020 жылдарға арналған «Орда» Жол картасы бағдарламасы аясында, жергілікті атқарушы орган (ЖАО) тұрғын үй құрылысы аяқталған соң, бұқаралық ақпарат құралдарында және қала әкімдігінің (www.kyzylorda.gov.kz) веб-сайтына Бағдарламаны іске асыру бағыттарын, азаматтардың санаттарын көрсете отырып, тұрғын үйді сату шарттары, тұрғын үйдің сипаттамалары, құжаттарды қабылдау басталатын және аяқталатын күні туралы хабарландыру жариялауды қамтамасыз етеді.
Сондай-ақ, Сізге Қазақстан Республикасы Ұлттық Банкі Басқармасының 2018 жылғы 31 мамырдағы №107 қаулысымен бекітілген «7-20-25 Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасына қатысуды ұсынамыз. 
Бағдарлама Мемлекет басшысының 2018 жылғы 5 наурыздағы халыққа арналған «Президенттің бес әлеуметтік бастамасы» үндеуінде айтылған бірінші әлеуметтік бастаманы іске асыру шеңберінде әзірленді.
Атап айтқанда, ипотекалық тұрғын үйдің сыйақы мөлшерлемесі – жылдық 7%, бастапқы жарна – 20%, қарыз мерзімі – 25 жылға дейін болатын талаптарына сәйкес беріледі.
Бағдарламаға Қазақстан Республикасының еңбек және (немесе) кәсіпкерлік қызметтен алатын табысы бар, сондай-ақ меншік құқығында тұрғын үйі жоқ кез келген азаматы қатыса алады.
7-20-25 Бағдарламасының талаптарын түсіндіру үшін Қазақстан Ұлттық Банкінің «ҚҰБ «Online» мобильдік қосымшасында 2018 жылғы 19 маусымнан бастап «7-20-25» жаңа бөлімі іске қосылды, онда осы Бағдарламаға қатысты қызығушылық тудыратын сұрақтарға жедел  жауап алуға болады.
Толық түсіндірме алу үшін мүмкіндігіңіз болса өзіңізді «Қызылорда қаласының тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы  бөлімі» коммуналдық мемлекеттік мекемесінде әр аптаның сәрсенбі күні сағат 16:00-ден 18:00 аралығында бөлім басшысы жүргізетін азаматтардың жеке қабылдауына шақырамыз.    
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа шағымдануға құқығыңыз бар екені түсіндіріледі.
 

Узакова Баян Категория Халықтың жұмыспен қамтылуы Дата: 31.07.19

Вопрос:

Свламатсыз ба?Қазақ тілі мен әдебиеті мұғалімі мамандығы бойынша мектептен жұмыс іздеймін, осы сауалына өзіңізден тікелей жауап алғым келеді.

Ответ:

Құрметті,Баян Болатқызы! 
Сіздің облыс әкімінің веб-порталына  жұмысқа орналастыру туралы жазған өтінішіңізге сәйкес төмендегіні білдіреді.
Қазақстан Республикасы «Білім туралы» Заңының 43-бабының 1-тармағында білім беру ұйымдарының кадрларды іріктеу мен орналастыруда дербестігі көрсетілгендіктен, кадр маманын іріктеу бөлімге қарасты әрбір білім беру ұйымдарының құзырында.
2018 жылдың қараша айынан бастап білім беру ұйымдарында жарияланған бос орындардың (педагог қызметкерлер) бірыңғай ықпалдастырылған ақпараттық жүйесін қалыптастыру мақсатында «jumys.sitcen.kz» жүйесі іске қосылды. 
Бөлімге қарасты мектептерде «jumys.sitcen.kz» жүйесі арқылы салынған бос жұмыс орындарының мәліметі мен конкурс нәтижесі бойынша енгізілген мәлімет «enbek.kz» сайтында, яғни еңбек биржасында автоматты түрде бір мезетте екі сайтқа жарияланатын болады.
Жүйеде жаңа вакансия жарияланады, өтініштер қабылданып, жұмыс іздеушілердің деңгейі тест арқылы тексеріліп, конкурстық комиссия арқылы әңгімелесу өткізіледі. Барлық кезеңдерден өткен соң, жүйе жеңімпазды анықтайды. 
Осы жүйе арқылы Сіз әділ түрде жұмысқа кабылдана аласыз.
Өтінішке сәйкес, берілген жауаппен келіспеген жағдайда қолданыстағы заңнамада белгіленген тәртіппен жоғары тұрған немесе басқа да уәкілетті органдарға (оның ішінде сот органдарына) шағым беруге құқылы екендігіңізді назарыңызға  ұсынамын.

Нуржанова Мария Категория Жалпы мәселелер Дата: 26.07.19

Вопрос:

Салеметсизбе Аким мырза.Мен жалгызбасты анамын.Еки баламмен патер жалдап турам.Бурыннан жазып жатырм маган уакытша туратын болса да патер тауып беруинизди сураймын.Мен неше жыл болды уакытша патер болсада бериниздерш деп сурап жатканыма,уйге келеди де кагаз толтырады да кетеди.Менин маселемди карауынызды сураймын.Патерге акша толей толей киналып кеттим.Далабаевтын алдынада бардым уакытша туратын уй болсада бериниз деп.Оданда хабар жок.Сизден жаксы жаналык естим деген ойдамын.

Ответ:

Сіз, Қазақстан Республикасының «Тұрғын үй қатынастары туралы» Заңына сәйкес тұрғын үй алу кезегіне 2017 жылғы 2 мамырдағы  арызыңыз бойынша халықтың әлеуметтік жағынан қорғалатын әлсіз тобына тіркелгенсіз. Кезегіңіздің реттік саны –8352.                                          
Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.                            
Сондай-ақ, аталған баптың 3-тармағына сәйкес, тізімге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің  де  басым  құқығы  болмайды.
Бүгінгі күнге қалалық коммуналдық меншікте бос тұрған пәтерлер мен жатақханалардың жоқ болуына байланысты, уақытша тұратын баспанамен қамтамасыз етуге мүмкіндіктің жоқ екендігі хабарланады.   
Сонымен қатар, алдағы уақытта Қазақстан тұрғын үй құрылыс жинақ жүйесі арқылы жүзеге асырылатын «Бақытты отбасы» тұрғын үй бағдарламасы іске қосылады.
Осы Бағдарламасы аясында, жергілікті атқарушы орган (ЖАО)  бұқаралық ақпарат құралдарында және интернет-ресурстар арқылы бағдарламаға қатыса алатын азаматтардың санаттарын көрсете отырып, тұрғын үйді сату шарттары, тұрғын үйдің сипаттамалары, құжаттарды қабылдау орындары, құжаттарды қабылдау басталатын және аяқталатын күні туралы хабарландыру жариялауды қамтамасыз етеді.
Бағдарламаның шартына сәйкес, үш категория бойынша әлеуметтік аз қамтылған төмендегі  отбасылар кіреді: 
1) көп балалы отбасылар;
2) толық емес отбасы (ресми ажырасқан уақыты 3 жылдан асқан болса); 
3) мүгедек балалары бар немесе тәрбиелеп отырған отбасы қатыса алады.
Несие мөлшерлемесі барлық 19 жылға 2%-бен беріледі.
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа  шағымдануға құқығыңыз бар екені түсіндіріледі.       
 

Беттер

Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика