ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Қызылорда облысының мемлекеттік архиві қорынан
 
«Шежірелі Жалағаш»
 
1936 жылы 5 желтоқсанда КСРО-ның жаңа конституциясы қабылданды.
    КСРО Жоғарғы Кеңесінің бірінші сессиясы аясында 1938 жылы 15 қаңтарда өткізілген Одақ Кеңесі мен Ұлттар Кеңесінің біріккен мәжілісінің күн тәртібінде Одақтас республикалар құрамында жаңадан облыстар құру арқылы КСРО Конституциясының кейбір баптарына өзгерістер мен толықтырулар енгізу туралы мәселе қаралды. Қорытындысында, КСРО Жоғарғы Кеңесінің қаулысымен Қазақ КСР-і құрамында Гурьев, Қызылорда, Павлодар облыстары құрылды. 
    Бұған дейін Оңтүстік Қазақстан облысында болып келген Қызылорда, Қазалы, Қармақшы, Жаңақорған аудандары мен  Қызылорда қаласы және Ақтөбе облысынан Арал ауданы бөлініп,  Қызылорда облысы атанды. Қазақ КСР Жоғарғы Кеңесінің Жарлығымен 17 қазан 1939 жылы Жалағаш ауданы құрылды. Құрамына Қармақшы ауданына қарасты Ақсу, 1-Май Калинин, Карл-Маркс, Қаракеткен, Амангелді ауылдық кеңестері, ал Сырдария ауданына қарасты Аламесек, Көкжиде, Далакөл ауылдық кеңестері кірді. 
   1962 жылғы 24 қазанда Еңбекшілер депутаттарының Қызылорда облыстық Кеңесі және оның атқару комитетінің шешімімен облыстардың аудандары ірілендірілді және аудандарды ірілендіру барысында Жалағаш ауданы Қармақшы ауданына қосылды. 
     Еңбекшілер депутаттарының Қызылорда облыстық кеңесінің 23.10.1964 жылғы №322 шешімімен қайта құрылды.
   1974 жылы 27 ақпанда Қызылорда облыстық атқару комитетінің №115 шешімімен Жалағаш селосына  қалалық поселке мәртебесі берілді.
     1991 жылы Қазақстан Республикасы Тәуелсіздік алғаннан кейін ауылдық Кеңестердің орнына ауылдық округтер құру жұмыстары жүргізілді.
ХХ ғасырдың екінші жартысында «күріш фабрикасы» атанған Жалағаш ауданының құрылғанына  80 жыл толуына орай Қызылорда облысының мемлекеттік архиві қоры құжаттарынан «Шежірелі Жалағаш» тақырыбында көрме дайындалды.
Көрменің мақсаты архив қорындағы құжаттардан ауданның атқарған тыныс-тіршілігі туралы, әлеуметтік-экономикалық дамуы, ауданнан шыққан тарихи тұлғалар мен қайраткерлердің өмірдерегін көпшілікке таныстыру, жас ұрпақты елін, жерін сүюге тәрбиелеу.
Көрме төрт бөлімнен тұрады. 
   «Ауданның құрылуы мен тарихы» бөлімінде  Жалағаш  ауданының  құрылуы мен даму тарихынан мәлімет беретін құжаттар: ауданның құрылуы, тұтынушылар қоғамын құру, балалар үйін ашу, ауданның орталығын жоспарлау мен дамытудың бас схемасын бекіту, «Мәдениет» МТС-н ұйымдастыру,   облыстық «Еңбек даңқы кітабына» еңбек озаттарын ұсыну,  клуб үйін салу, Жалағаш селосын қалалық қыстақтар санатына жатқызу, жаңа ауылдық кеңестер құру туралы және т.б. шешімдер, қаулылар  қамтылды.
    «Аудан басшылары» бөліміне Жалағаш ауданын басқарған ел ағаларының суреттері қойылды.
    «Социалистік Еңбек Ерлері» бөлімінде Жалағаш ауданының Социалистік Еңбек Ерлері Апрезов Несіпбай, Жүсіпова Қазына, Тұршабек Елеусінов,Ұзақ Еспановтардың құжаттары мен суреттері қойылды.
   «Ел тарихы – ерлерімен еңселі» бөлімінде соғыс және еңбек ардагері Камал Бердәулетов,техника ғылымдарының докторы, профессор Қылышбай Бисеновтың өмірбаяндары, марапаттары және аудан еңбеккерлерінің суреттері қамтылды.
Ауданның құрылуы мен тарихы
Жалағаш ауданын құру туралы қаулы, 21.10.1939 ж. Жалағаш аудандық тұтынушылар қоғамын құру туралы қаулы, 05.11.1939 ж.

Жалағаш және Қармақшы аудандарында

майдан шебінен көшірілген балалар үшін қосымша

сыныптар ашу туралы бұйрық, 12.12.1941 ж.

Жалағаш ауданында балалар үйін ашу туралы қаулы, 13.04.1945 ж.

Жалағаш ауданының орталығын жоспарлаумен дамытудың бас схемасын бекіту туралы шешім,24.08.1951 ж.

 

Жалағаш ауданында Мәданиет МТС-н ұйымдастыру туралы шешім, 27.12.1952 ж.

Аудандық атқару комитетінің жанынан денешынықтыру және спорт

комитетін құру туралы шешімі,

10.05.1954 ж.

Жалағаш ауданы орталығында ветеринарлық  дәріхана  ашу туралы шешім,

27.02.1959 ж.

Жалағаш ауданын  құру туралы шешім, 23.10.1964 ж.

Жалағаш және Жаңақорған қыстақтарында коммуналдық

шаруашылық есептегі кеңсе ұйымдастыру туралы шешім,24.02.1964 ж.

Облыстық «Еңбек даңқы» кітабына еңбек озаттарын ұсыну туралы шешім,

28.01.1966 ж.

«Игілік» балықшылар колхозының колхозшыларын Қазақ КСР Жоғарғы Кеңесінің грамоталарына ұсыну туралы қаулы, 29.04.1966 ж.

Аудан орталығынан колхоз базарына жер телімін бөліп беру туралы Жалағаш аудандық Кеңесі атқару комитетінің қарары, 11.07.1966 ж.

«Аққұм», «Еңбек» совхоздарын құру туралы Қызылорда облыстық

Кеңесі атқару комитетінің шешімі, 24.01.1967 ж.

Аудандық пионерлер үйінің жаңа құрылысын салу жайлы қарар, 25.03.1967 ж..

Ақсу ауылдық кеңесіне қарасты Дәуімбай участкесінен кітапхана ашу туралы қарар,

25.03.1967 ж.

Жалағаш ауданына Қазақстан ОК және Қазақ КСР-ның Министрлер Кеңесінің ауыспалы Қызыл Туын беру туралы ұсыныс, 22.01.1969 ж.

Жалағаш ауданы бойынша аудан еңбеккерлерін Лениннің туғанына  100 жыл толуына орай

«Ерлік еңбегі үшін» мерекелік медалімен марапаттау туралы қаулы, 16.03.1970 ж. 

Аудандық баспахананың құрылысына жер учаскесін бөлу туралы шешім,14.04.1971 ж. Қызылорда облысы Жалағаш ауданының  «Мәдениет» совхозын  халық шаруашылығындағы жетістіктері үшін Дипломмен наградтау туралы, 28.02.1972 ж.

XVII облыстық комсомол конференциясына қатысушы  Жалағаш ауданының делегаттары, 26.02.1972 ж.

 

Жалағаш селосын қалалық қыстақтар санатына жатқызу туралы шешім, 27.02.1974 ж.

 

Жалағаш ауданындағы №31 орта мектебіне Молдавия комсомолының

50 жылдығы  атауын беру туралы шешім,22.05.1975 ж.

Ұлы Отан соғысында  қаза тапқан жауынгерлердің  тізімін аудан орталығында орнатылған мемориалды тақтаға жазу туралы қарар, 28.03.1977 ж.

Жалағаш қыстағында 600 орындық клуб үйін салу туралы өкім, 29.12.1978 ж.

Жалағаш ауданы бойынша комсомол қызметкерлері мен белсенділерін Қазақ КСР Жоғарғы Кеңесінің грамоталарымен марапаттау туралы жарлық, 25.10.1978 ж.
Елді мекендерде жаңадан киноқондырғылар ашу туралы шешім, 08.02.1979 ж.

Жалағаш ауданы бойынша ауыл шаруашылық озаттарын КСРО жоғарғы Кеңесі Президиумының ордендері және медальдарымен марапаттау туралы жарлық,

12.04.1979 ж.

КСРО Халық шаруашылығы жетістіктері көрмесінің диплом, медальдарымен Жалағаш ауданының еңбеккерлерін марапаттау туралықаулы,1980 ж.

Облыс орталығында өткен Жалағаш ауданы  еңбеккерлерінің күні,

29.07.1980 ж.
Аудан орталығының  Абай атындағы кинотеатрының ғимараты, 1980 ж.
Аудандық  мәдениет үйінің ғимараты, 20.02.1980 ж. «Мәдениет» совхозының  егін егудің жоғары деңгейдегі көрсеткіштерінің рапорты, 1980 ж.
Астық қабылдау пункті (Элеватор), 1982 ж. Ақсу ауылдық кеңесіне Қазақстан ОК және Қазақ КСР-ның Министрлер Кеңесінің ауыспалы Қызыл Туын тапсыру туралы ұсыныс,24.01.1983 ж.
Жалағаш ауданында жаңа ауылдық кеңестерін құру туралы шешім, 28.08.1986 ж. Жалағаш ауданында шаруашылық есептегі архив құру туралы туралы шешім, 13.01.1988 ж.
Жалағаш ауданындағы сабан тойдан көрініс, 1989 ж. «Жаңаталап» совхозында балалар көркемсурет мектебін ашу туралы қарар, 19.07.1989 ж.
Жалағаш ауданындағы жарық диодты шамдар шығаратын зауыттың ішкі көрінісі, 2015 ж. «Шежірелі Жалағаш» кітабы, 2009 ж.
АУДАН БАСШЫЛАРЫ
Б.Ж.Тасыбаев- Жалағаш аудандық партия комитетінің бірінші хатшысы

(1961-1963 жж ) 
И.Әбдікәрімов – Жалағаш аудандық партия комитетінің бірінші хатшысы

(1965-1972 жж) 
Қ.Т.Қазантаев –Жалағаш аудандық партия комитетінің бірінші хатшысы (1975-1985 жж) С.Далдабаев - Жалағаш ауданының әкімі (1992-1997 жж)
Қ.Баймаханов  -Жалағаш ауданының әкімі (1997-2000 жж)
СОЦИАЛІСТІК ЕҢБЕК ЕРІ
Социалистік Еңбек Ері Елеусінов Тұршабек (солдан оңға қарай екінші) Елеусінов Тұршабекке Социалистік Еңбек Ері атағын беру туралы жарлығы,

19.04.1967 ж.
Социалистік Еңбек Ері Апрезов Несіпбай Қазақстан Ленин атындағы Комсомолы совхозының звено жетекшісі Апрезов Несіпбайға Социалистік Еңбек Ері атағын беру туралы жарлық, 13.12.1972 ж.
Социалистік Еңбек Ері Жүсіпова Қазына «Аққұм» совхозының звено жетекшісі  Жүсіпова Қазынаға Социалистік Еңбек Ері атағын беру туралы жарлық, 1972 ж.

Социалистік Еңбек Ері

Еспанов Ұзақ

Еспанов Ұзақтың жеке іс парағы, 24.04.1953 ж.

Қазақстанның Ленин Комсомолы атындағы совхоздың директоры, Социалистік

Еңбек Ері Ұзақ Еспанов Социалистік Еңбек Ері 

Б.Мұстафаева және «Мәдениет» совхозының күрішшісі,

Қазақ КСР-нің Жоғарғы Кеңесінің депутаты Ұ.Төлегеновамен бірге, 13.07.1982 ж.

ЕЛ ТАРИХЫ - ЕРЛЕРІМЕН ЕҢСЕЛІ
Соғыс және еңбек ардагері Камал Бердәулетов Соғыс және еңбек ардагері Камал Бердәулетовтың өмірбаяны.
Камал Бердәулетовтың облыстағы ауыл шаруашылығын өркендету және дамыту жөніндегі баяндамасы, 24.10.1985 ж.
Бисенов Қылышбайды «Құрмет» орденімен наградтау туралы жарлық, 07.12.2004 ж.

 Бисенов Қылышбайды «Құрмет» орденімен наградтау туралы жарлық, 07.12.2004 ж.

«Коммунизм» колхозының 2-ші бригадасының  бригадирі Абдази Ізтілеуов, күрішшілер Алуаш Шәріпқұлова, Балай Досжанов, Орынбасар Ахметов, 1972 ж.
«Таң» совхозының  бақташысы Қожамқұл Құдабаев, 27.02.1980 ж. Калинин атындағы совхозының күрішшісі Тимофей Хегай, 17.07.1980 ж.
Жалағаш ауданындағы аяқ киім цехының тәжірибелі шебері Шамшат Қуаңбаев, 15.03.1980 ж.

Гулжахан Әлімбетова  «Аленушка» балабақшасының бүлдіршіндерін концертке

дайындау үстінде, 24.08.1980 ж.

«Ақсу» совхозының озат механизаторы Дариха Асқарбаева, 30.10.1980 ж.

Ағарту ісінің үздігі, Қазақ  КСР-нің еңбек сіңірген мұғалімі

Орынкүл Балтабаева, 04.06.1981 ж.

№150 кәсіптік техникалық училищесінің өндіріс мастері

Аманжол Дүйсенбиев курсанттарға сабақ өткізуде, 19.02.1982 ж.

«Аққұм» совхозының күрішшісі Алтыбаев Бекмырза, 1982 ж.
«Жаңадария» совхозының  аға шопаны Б.Төлегенова. «Мәдениет» cовхозының тракторисі Ж.Қожабаев, 1982 ж.  

Жалағаш ауданы «Мәдениет» совхозының күріш бригадасының бригадирі

«Құрмет белгісі» орденінің иегері Т.Тәуіпбаев, 1988 ж.

Республикалық және облыстық байқаулардың дипломанттары,

аудандық ішкі істер бөлімінің қызметкерлері

С.Әбсаттарова мен  А.Крутов, 1988 ж.

Жалағаш аудандық кино жүйесінің жүргізушісі Б.Достияров, 1989 ж.

 

Құрылған күні: 27-03-2019 15:24
Жаңартылған күні: 29-03-2019 09:27
Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика