ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).

Басқарма: 
Қызылорда облысы әкімінің орынбасары

Сұрақтар

Данабекова Жангерхан Категория Денсаулық сақтау Дата: 07.02.18

Вопрос:

Сәлеметсіз бе мен Данабекова Жангерхан сізден сұрайын дегенім қызым 17 жаста 1 топтағы мүгедек,басын ұстамайды сондықтан коляскага мұқтажбыз.2013жылы собез берген коляскада отырып жүреміз, ол тозды.казыр собезден алған коляскамыз мойыны ұстағышы сәйкес келмейді.осыган орай мен қызыма лайықты колясканы қалай аламын. Мектептен келген мұғалімдердің сабагын ала алмай қинайып отырмыз. Сізден не көмегініз бар.

Ответ:

Шиелі аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің мәліметіне сәйкес қызыңыз Тұрсынқызы Ақмаралға «Мүгедектерді оңалтудың кейбір мәселелері туралы» Қазақстан Республикасының Денсаулық сақтау және әлеуметтік даму министрінің 22.01.2015 жылғы №26 бұйрығына (әрі қарай - Бұйрық) сәйкес жеке оңалту бағдарламасы (әрі қарай - ЖОБ) негізінде 16.04.2008 жылдан бастап әзірленген №412 ЖОБ-ға сәйкес ортопедиялық аяқ киім, мойын корсеті, 21.08.2008 жылдың №1053 ЖОБ-ға сәйкес ай сайын міндетті гигиеналық құралдармен (жөргектер), үйде қызмет көрсету жағдайында арнаулы әлеуметтік қызметпен, 21.08.2013 жылы №1217 ЖОБ-ға сәйкес серуендік жүріп-тұруға арналған кресло-арбамен, 02.08.2016 жылы №1265-504 ЖОБ-ға сәйкес бөлмелік жүріп-тұруға арналған кресло-арбамен қамтылған. 
Жоғарыда аталған бұйрықпен бекітілген Мүгедектердi арнаулы жүріп-тұру құралдарымен қамтамасыз ету қағидасының 3 тармақ 15) тармақшасында бөлмеде жүріп-тұруға арналған кресло-арбаға пайдалану мерзімі - жетi жыл, серуендеуге арналған кресло-арбаға – төрт жыл болып белгіленген.
Биыл қызыңыздың серуендік кресло-арбасының ауыстыру мерзімі келгендіктен, серуендік жүріп-тұруға арналған кресло-арбаға 11.01.2018 жылы №1265/504 ЖОБ-ы әзірленді. Осыған орай, қызыңыз үстіміздегі жылы мойын ұстағышы бар серуендік кресло-арбамен қамтамасыз етілетіндігін хабарлаймыз.
Егер, берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12-бабына сәйкес жоғары тұрған лауазымды тұлғаға, субъектіге немесе тікелей сотқа шағымдануға құқылысыз.
 

Танибаева Ристы Категория Бiлiм Дата: 15.09.17

Вопрос:

Сәлеметсіз бе! Биылғы облыс әкімінің бөлген грантты кімдерге тиесілі? Менің қызым биыл И.Абдікаримов атындағы Қызылорда аграрлық техникалық жоғары колледжін қызылға бітірді, 9сыныптан кейін ақылы /платный/түсті, осы оқу орнын бітіргеннен кейін жоғарғы білім алу үшін өзіміз тұратын жердегі университет Қорқыттың дизайн бөліміне тапсырдық шығармашылық пен екеуін қосқанда 101 бал болды,Сіздер грантқа тусіп тұрсыздар конкурсқа документ өткіз деген соң тапсырдық кешегі Егемен Қазахстан газетіндегі тізімнен шықпады. Ендігі қалған үмітіміз обл әкімінің гранты , бірақ қалалық собес жолатпайды бұл грант тек 11-ші сынып бітіргендерге және бакалаврлерге деп , 11сынып бітіргендерге қандай бакалавр деп сұрасам 11сынып деп жауап береді. Түсінексіз жауап алдым. Менің от басым әлеуметі аз қамтылған от басына жатамын /жалғыз басты анамын/ Қалаға бөлінген 5 грантың біреуінің иегері қызым Тәнібай Айжанға берсеңіздер. Себебі мен өз күшіммен қаражат төлеп оқыттым 9 -шы сыныптан кейін , енді менің күшім универдің ақылы оқуына жетпейді,Маған сіздерден көмек керек ,көмектесулеріңізді сұраймын, Менің аналық жүрегімнің қиналысын түсінеді деген сенімім зор.

Ответ:

1. Қалалық мәслихаттың «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санатарының тізбесін айқындау қағидасын бекіту туралы» шешіміне сәйкес орта білім алғаннан кейін «Бакалавр» академиялық дәрежесін алу үшін әлеуметтік тұрғыдан халықтың осал тобы қатарынан күндізгі оқыту нысаны бойынша білім алушыларға оқу ақысын төлеуге әлеуметтік көмек тағайындалады. Ал, Сіздің қызыңыз А.Тәнибай арнаулы оқу орнын, яғни И.Абдікаримов атындағы Қызылорда  аграрлық техникалық жоғары колледжін бітіруіне байланысты облыс әкімінің гранты тағайындалмағандығын мәлімдейміз.
«Жеке және заңды тұлғалардың өтініштерін қарау тіртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес берілген жауапқа қанағаттанбаған жағдайда, жоғары органға шағымдануға құқығыңыз бар екенін хабарлаймыз.
 
2. Облыстық жұмыспен қамтуды үйлестіру және әлеуметтік бағдарламалар басқармасы үстіміздегі жылдың 21 және 31 тамызында облыс әкімінің веб-порталына жазған өтінішініз «Жеке және заңды тұлғалардың өтініштерін қарау тәртібі туралы» Қазақстан Республикасының Заңына сәйкес қарап, төмендегіні хабарлайды.
2017 жылға Қазақстан Республикасының білім беру мекемелерінде аймақтың әлеуметтік–экономикалық дамуын айқындайтын өңірге қажетті мамандықтар бойынша (еңбек ресурстар балансына сәйкес) әлеуметтік тұрғыдан халықтың осал топтарынан шыққан студенттерге өңірге қажетті мамандықтар бойынша білім беру қызметіне ақы төлеу үшін жалпы 182 облыс әкімінің гранты бөлінген.
Сонымен қатар, жергілікті өкілетті органдардың шешімдерімен бекітілген Әлеуметтік көмек көрсету, мөлшерін белгілеу және мұқтаж азаматтардың жекелеген санаттарының тізбесін айқындау қағидаларына сәйкес облыс әкімінің гранты халықтың әлеуметтік тұрғыдан осал топтарынан шыққан мемлекеттік грант негізінде оқуға түсуге 1,2 балы жетпей қалған, мектеп түлектеріне тағайындалады, ал, арнаулы оқу орнын бітіргендерге облыс әкімінің гранты қарастырылмағандығын білдіреміз.
 
 

Демеубаев Көбейсін Категория Бiлiм Дата: 24.05.16

Вопрос:

Рауан Кенжеханұлы, мен Қазалы ауданы,Әйтеке би кентіндегі №204 Ы.Алтынсарин атындағы мектептің жоғарғы санатты математика пәнінің мұғалімімін.Мектептегі қалыптасқан ахуалға жаным ашығандықтан осы сұрақты қойғым келіп отыр.Мектебіміздің басшылығына бұрында,нақтырақ айтқанда 2010 -2013 жылдар аралығында осы қызметті дұрыс атқара алмағандығына байланысты облыс әкімінің тапсырмасымен қызметінен босатылған Шермаханов Төребай қайта келмекші. Қызметінен босатылғаннан кейін пән мұғалімі ретінде ешқандай жетістік көрсетпеген,үш жыл бойы бір рет педогогикалық кеңеске қатыспай еңбек кодексінің шарттарын бұзған,осындай мектепке немқұрайлы қарайтын адамның басшылық қызметке қайта келуге құқығы бар ма? 2016 жылдың 11 мамыр күні конкурс болады, егер ол қайта тағайындалса бұл сыбайлатық,парақорлық деп есептеймін. Тағайындауға жол берсеңіздер жоғары орындарға шағымданатынымды білдіргім келеді.

Ответ:

Қызылорда облысының білім басқармасы Сіздің, 2016 жылғы 8 мамырдағы Қызылорда облысы әкімінің орынбасарының ресми блогына «Қазалы ауданының білім бөлімінің Ы. Алтынсарин атындағы №204 орта мектебі» коммуналдық мемілекеттік мекемесі директоры бос лауазымына жарияланған конкурс туралы» жарияланған өтінішіңіз бойынша Қазалы ауданы әкім аппаратының жауабына сәйкес төмендегіні хабарлайды. 
Сіз 12. 05. 2016 жылғы облыс әкімінің орынбасарының атына жазбаша берген түсініктемеңізде 08.05.2016 жылғы блогқа жариялаған өтінішіңіз негізсіз екенін, өзге адамдардың сөзіне еру арқылы ашумен жазғаныңызды және басқа қоятын талабыңыз жоқ екенін көрсеткенсіз. 
«Жеке және заңды тұлғалардың өтініштерін қарау тәртібі туралы» Қазақстан Республикасының Заңының 12-бабына сәйкес өтініштерді қарау нәтижелері бойынша қабылданған шешіммен келіспеген жағдайда жоғары тұрған лауазымды тұлғаға немесе тікелей сотқа шағымдануға құқығыңыз бар екендігін түсіндіреміз.
 

Ермолда Нагашыбай Категория Денсаулық сақтау Дата: 13.04.16

Вопрос:

Саламатсызба! Кешіріңіз, мен Арал ауданынан хабарласып тұрмын. Себебі менің татем Арал аудандық ауруханада қызмет жасайды. Осы орайда Арал аудандық аурухананың барлық қызметкерлері биылғы Президент Н.Назрбаевтың халыққа жолдауында денсаулық сақтау саласының қызметкерлеріне 28% еңбек ақылары өсетінін айтқан. Дегенмен аурухана қызметкерлері, өсірілген жалақыларына көңілдері толмайды 6-10 мың ғана. Барлығы бірдей сенімсіз, күдікпен, толыққанды жалақыға ақша қосылмағандығына наразы. Аурухананың барлық қызметкерлерінің наразылығынан қазір ішкі ахуал қиындыққа апарары сөзсіз. Осы айтылған мән жәйды баяндай келе, жоспардан тыс тексеру жүргізіп, 28% өсірілген жалақының қаншалықты заңды қосылғанын зерттеп, заңдылығына қарай қызметкерлерге түсіндіру жүргізуне ықпал жасауыңызды өтінемін. Осы хаттан нәтиже болсмаса, құзырлы органдарға қызметкерлер жүгінетіндігі сөзсіз.

Ответ:

Қазақстан Республикасының Еңбек Кодексінің 17 бабының 1 тармағында ҚР еңбек заңнамасының, оның ішінде еңбек қауіпсіздігі және еңбекті қорғау жөніндегі талаптардың сақталуын мемлекеттік бақылауды жүзеге асырады делінген. Сонымен қатар, Қазақстан Республикасының Еңбек Кодексінің 19 бабына сәйкес жұмыскер мен жұмыс беруші еңбек қатынастары субьектілері болып табылады. 
Сіз өз арызыңызда Арал аудандық ауруханасында жұмыс жасайтын жұмыскердің аты-жөнін көрсетпегенсіз. Сондықтан  Сіздің осы өтінішіңіз бойынша тексеру тағайындау жөніндегі актісі ҚР Бас прокуратурасының Құқықтық статистика және арнайы есепке алу жөніндегі комитетінің басқармасымен тіркеуге жатқызылмайтындығын хабарлаймыз. Осыған байланысты Сіз еңбек құқықтары бұзылған Арал аудандық ауруханасының жұмыскерінің аты-жөнін көрсетіп қайта арыздануға құқылысыз.    
Қазақстан Республикасы «Жеке және заңды тұлғалардың өтініштерін қарау тәртібі туралы» Заңының 12 бабына сәйкес Сіздің арызыңызға берген жауапқа қанағаттанбаған жағдайда, жоғарғы басқарушы органға немесе тікелей сотқа шағымдануыңызға құқылы екендігіңізді түсіндіреміз.
 

Сариев Раушанбек Категория Бiлiм Дата: 25.01.16

Вопрос:

Рауан Кенжеханұлы , мен сіздің қабылдауыңызға жазылған едім,робототехника,техникалық үйірмелерді дамыту мәселелері туралы . Бірақ әлі жауап жоқ,қабылдауыңызды сұраймын. Сариев Р.А . Қалалық қосымша білім беру орталығы.

Ответ:

Техникалық үйірмелерді дамыту мәселелері туралы ұсынысыңыз бойынша 2015 жылғы 30 желтоқсанда жеке қабылдауымда болып, тиісті түсіндірме берілгендігін назарыңызға жеткіземіз.

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).
Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика