ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Сыр өңірі – қазақтың бітім-болмысын бұзбаған, ұлт ұйытқысына айналып, «Алаштың анасы» атанған берекелі аймақ. Елбасының сындарлы саясатының арқасында облыстың әлеуметтік-экономикалық дамуы жыл сайын артып келеді. Аймағымыз өсіп-өркендеудің жаңа белестеріне шығып, білім, денсаулық салалары жанданып, мәдени, рухани тұрпаты жаңаша өрістеп келе жатыр.

Сондықтан, жаңа технологиялар ғасырында интернет желісінің мүмкіндіктерін пайдалана отырып жасақталған ресми-порталдан Қызылорда облысының күнделікті тыныс-тіршілігі, даму тенденциялары туралы маңызды мәліметтерді таба аласыздар.

Портал - оқырман сұранысын толықтай қанағаттандырып, рухани қажеттіліктеріңізді жедел ақпаратпен қамтамасыз ететін сенімді серіктеріңізге айналады деген сенімдеміз.

Басқарма: 
Облыс әкімі
Лауазымы: 
Аким

Сұрақтар

Беттер

Нуржанова Мария Категория Жалпы мәселелер Дата: 20.03.19

Вопрос:

Салеметсизбе!Кырымбек Кошербаев мырза.Мен еки баланын анасы Нуржанова Мария.Сурайын дегеним 4баладан жогары ата аналарга комек берип жатсыздар.Кормесемде естигенимди айтып жатырм.8Наурызга коп балалы аналарга комек береди екенсиздер.Сонда еки баласы бар ата анага дым жокпа.Бизди де катардан калмасак деймиз.Продукты жагынан комек сураган ем кала кунине берген еди.Продукты алдындеп жардемакымнан устап калды15000тенгени.Ол укиметтин бизге берген комеги емеспа.8наурызда бизди де калдырманыздар.Рахмет коп коп

Ответ:

Сіздің бөлім тарапынан Қазақстан Республикасы Еңбек және халықты әлеуметтік қорғау министрінің 2017 жылы 4 қазандағы №329 бұйрығымен бекітілген «Мемлекеттік атаулы әлеуметтік көмек тағайындау және төлеу туралы» қағидасының 2-тарау, 4 тармағына сәйкес ағымдағы жылдың І-ші тоқсандарына 192282 теңге мемлекеттік атаулы  әлеуметтік көмектің шартсыз ақшалай түрі тағайындалып, төленуде.
Ал,отбасыңыздың тұрмыс жағдайына байланысты қайырымдылық көмек сұраған өтінішіңіз бөлімінің есебіне алынып, демеушілер тарапынан қолдау болған жағдайда назарда болатындығыңызды мәлімдейм «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес берілген жауапқа қанағаттанбаған жағдайда, жоғарғы органға шағымдануға құқығыңыз бар екенін хабарлаймыз.
 

Сермаханов Дархан Категория Жалпы мәселелер Дата: 20.03.19

Вопрос:

Қызылорда облысының әкімі Қырымбек Елеуұлы Көшербаевқа Арал ауданы, Қаратерең ауылдық округінің тұрғындары атынан. Арыз Құрметті Қырымбек Елеуұлы! Сіздің атыңызға Арал ауданы, Қаратерең ауылдық округі тұрғындарынан атынан 11.01.2019 жылы арыз жолдағанбыз. Арызда көрсетілген ауыл маңынан 500 метр жерде атыс алаңын салу үшін 350 гектар жер телімі берілгендігінен хабардар болғанымызды және оған ауыл халқы қарсы екендігін, атыс алаңын ауыл маңынан және ата-баба бейітінен алыс жерге көшіруге ықпал жасауыңызды сұраған болатынбыз. Осы арызымызға 20.01.2019 жылы ВП-2 Арал ауданы әкімі орынбасары Мейрбековтың жауап хатында «Арал ауданы Қаратерең ауылының маңынан атыс алаңы үшін жалпы көлемі 350 гектар жер учаскесі Қызылорда облыс әкімінің қаулысымен тұрақты жер пайдалану құқығына табысталғандығы анықталды. Аталған жер учаскесін басқа жерге ауыстыру Арал ауданының құзіретіне жатпайтындықтан, қойылған мәселе бойынша облыстық құзырлы мекемелерге ұсыныстар берілетінін, сондай-ақ нәтижесімен қосымша хабарланатындығын білдіремін» делінген және 06.02.2019 жылы ВП-2 Арал ауданы әкімінің орынбасары М. Мейрбековтың жауап хатында 2015 жылдың 20 ақпанында Облыс әкімі жанындағы жер учаскелерін меншікке немесе жер пайдалануға беру жөніндегі облыстық комиссияда қаралып, оң қорытынды қабылданған. Қазақстан Республикасының жер кодексінің 120 бабының 1 тармағының талаптарына сәйекес «ҚР Ұлттық қауіпсіздік комитетінің ҚР Ауыл шаруашылығы министрлігінің жер ресурстарын басқару комитетінің келісімдері алынған» - деп атап көрсетілген. Оған қанағаттанбайтынымызды білдіреміз. Құрметті Қырымбек Елеуұлы! Біз қандай қиыншылық уақыт болғанда да іргемізді сөкпей ата кәсібіміз балық шаруашылығын жалғастырып, бір жар малымызды ұстап, берекемізді сақтап отырған елміз. Аймақ басшысы болып келгелі сіздің басшылығыңызбен осы елдің азаматы ретінде ел ықыласына бөленіп, атқарылып жатқан ауқымды шараларыңызды жақсы білеміз. Қаратерең ауылының солтүстік іргесінен Сырдария өзені ағады. Оңтүстік іргесінде «Барсакелмес» қорығы паралель орналасқан. Үшінші бетіне атыс алаңы алынып отыр. Қаратерең ауылының 300-ге жуық шаңырағы бар, 2000 – ға жуық халқы бар ауыл тұрғындары атынан жазған талабымызды ескеріп, тиісті шаралар қабылдайды деп сенеміз. «Жау жағадан алғанда бөрі етектен алады» дегендей бір жағымыздан «Барсакелмес қорығы» жерімізді тарылтып, мал жайылымды жерімізді, шөп оратын, отын алатын жерімізге ентелей кіріп, екінші жағымыздан атыс алаңы салынса біздің малымыз қайда жайылмақ, шөп, отынды қайдан аламыз, қалай тіршілік етеміз. Барсакелмес қорығының шекарасын кеңейткенде, атыс алаңын салғанда сол мекемелердің мақсаты орындалуы керек ал, жергілікті халықтың жағдайы неге ескерілмейді? Облыстық жер бөлімі мамандарның атыс алаңына берілген жер телімі көлемін, орналасуын анықтап, қарап бірнеше қарсылығымызды білдіреміз. 1. «Атыс алаңы шекарасы ауыл маңына өте жақын орналасқан!» 2. «Атыс алаңы Алмабек қорымы» деп аталатын тағы басқа бабалар бейтін қамтыған. Өзіңіз білесіз қазақ ешқашан ешкімге бабалар бейтін таптатпаған. Бұл жерге қандай мақсатта болсын нысандар салуға түбегейлі қарсымыз! 3. Халық малына шөп дайындайтын «Баян» көлінің белгілі бір аумағын қамтыған. Бұлда қарапайым халықтың тірлігіне кедергі болғандықтан қарсылық білдіреміз! 4. Ауыл тұрғындарының мал жайылымдық жері! 5. Атыс алаңы териториясы жүргінші жолдарды қамтыған. Қорыта айтқанда атыс алаңына берілген жер телімі тиісті жер бөлімі мамандарымен дұрыс зерделенбей, жергілікті халықтың келісімінсіз «Яғни ауыл тұрғындарының тұрмыс тіршілігіне кедергі болатынын, ата –баба қорымы бар екенін тағы басқа біле тұра» жасалған. 6. «Барсакелмес» қорығы ауылдың шөп шабатын, мал жайылымын, мал өрісін қорық есебіне қосып алған. Ауыл маңынан Қасқақұлан жерінен бермен қарай Қаратерең ауылына шекарасын тақап тастаған. Барскелмес қорығы Қасқақұлан шекарасынан батыс жағынан алмай ауылға қарай жақындатқан. Не себептен ауыл маңын қорық есебінде алғаны белгісіз? Барсаелмес қорығының хабарландыруы қоса тігілді. Құрметті Қырымбек Елеуұлы! Осы аталған мән –жайларды ескеріп анықтап, халықтың талап тілегіне сай, өзіңіз шығарған қауылының күшін жойып, өзгертулер енгізуіңізді сұраймыз! Ауыл тұрғындары атынан 83 адам қол қойып тіркелді.

Ответ:

Аталған мәселе бойынша, «ҚР Ұлттық қауіпсіздік комитеті Шекара қызметінің 2019 әскери бөліміне бұрын табысталған жер учаскесі бойынша Әскери бөліммен аталған жер учаскесін басқа аумаққа көшіру бойынша жұмыстар жүргізілуде, көшірілетін жер учаскесінің бірнеше нұсқасы нақтыланған соң Қаратерең ауылдық округінде өздеріңіздің қатысуларыңызбен жиналыс өткізіліп тиісті жер учаскесі келісілетін болады.
Барсакелмес қорығының аумағын кеңейту бойынша облыстық табиғи ресурстар және табиғат пайдалануды реттеу басқармасының ақпаратын қосымшаға сәйкес жолдаймын.
 

Дузжасарова Аинур Категория Әлеуметтiк қамсыздандыру Дата: 20.03.19

Вопрос:

Мен Кызылорда каласы тургынымын, казирги уакытта осы калада турамын. Бес балам бар жалгыз басты анамын.баспанам жок, 2006 жылдан бери кезекте турмын,баспанага да жер деде.казир бир мекеменин ишинде кантеинерде турамыз балаларыммен. Укиметтен жардем акы алмаимын,себеби тургылыкты аныктамам жок.бес баламен ешким пропискиге алмаиды. Сизден комек сураимын, хатымды жауапсыз калдырманысшы.

Ответ:

«Қызылорда қаласының тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» коммуналдық мемлекеттік мекемесі Сізге, Қазақстан Республикасының «Тұрғын үй қатынастары   туралы» Заңына сәйкес 2006 жылғы 2 мамырдағы арызыңыз бойынша пәтер кезегіне халықтың әлеуметтiк жағынан  қорғалатын әлсiз тобына (толық емес отбасы ретінде) тіркелгендігіңізді, бүгінгі күнге кезегіңіздің реттік саны – 413 екендігін хабарлайды.        
Қазақстан Республикасының «Тұрғын үй қатынастары туралы» Заңының 74-бабының 1-бөлігіне сәйкес, мұқтаждар есебінде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық құжаттармен бірге өтініш берілген кезден бастап тізімде белгіленген кезек ретімен беріледі.
Сондай-ақ, аталған баптың 3-тармағына сәйкес, тізімдерге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.
Тұрғын үй алу кезегіне тіркелген азаматтардың кезек реттілігі бұл бағыттағы жұмыстардың ашықтығын және қолжетімділігін қамтамасыз ету мақсатында қала әкімдігінің (www.kyzylorda.gov.kz) веб-сайтына әр ай сайын толықтырулармен ұдайы жаңаланып, орналастырылады.
Сонымен қатар, «Қызылорда облысының халқын қолжетімді баспанамен қамтамасыз ету бойынша 2018-2020 жылдарға арналған «Орда» Жол картасы бағдарламасы аясында, жергілікті атқарушы орган (ЖАО) тұрғын үй құрылысы аяқталған соң, бұқаралық ақпарат құралдарында және қала әкімдігінің (www.kyzylorda.gov.kz) веб-сайтына Бағдарламаны іске асыру бағыттарын, азаматтардың санаттарын көрсете отырып, тұрғын үйді сату шарттары, тұрғын үйдің сипаттамалары, құжаттарды қабылдау басталатын және аяқталатын күні туралы хабарландыру жариялауды қамтамасыз етеді.
Сондай-ақ, Сізге Қазақстан Республикасы Ұлттық Банкі Басқармасының 2018 жылғы 31 мамырдағы №107 қаулысымен бекітілген «7-20-25 Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасына қатысуды ұсынамыз. 
Бағдарлама Мемлекет басшысының 2018 жылғы 5 наурыздағы халыққа арналған «Президенттің бес әлеуметтік бастамасы» үндеуінде айтылған бірінші әлеуметтік бастаманы іске асыру шеңберінде әзірленді.
Атап айтқанда, ипотекалық тұрғын үйдің сыйақы мөлшерлемесі – жылдық 7%, бастапқы жарна – 20%, қарыз мерзімі – 25 жылға дейін болатын талаптарына сәйкес беріледі.
Бағдарламаға Қазақстан Республикасының еңбек және (немесе) кәсіпкерлік қызметтен алатын табысы бар, сондай-ақ меншік құқығында тұрғын үйі жоқ кез келген азаматы қатыса алады.
7-20-25 Бағдарламасының талаптарын түсіндіру үшін Қазақстан Ұлттық Банкінің «ҚҰБ «Online» мобильдік қосымшасында 2018 жылғы 19 маусымнан бастап «7-20-25» жаңа бөлімі іске қосылды, онда осы Бағдарламаға қатысты қызығушылық тудыратын сұрақтарға жедел  жауап алуға болады.
Толық түсіндірме алу үшін мүмкіндігіңіз болса өзіңізді «Қызылорда қаласының тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі»коммуналдық мемлекеттік мекемесінде әр аптаның сәрсенбі күні сағат 16:00-ден 18:00 аралығында бөлім басшысы жүргізетін азаматтардың жеке қабылдауына шақырамыз.    
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа шағымдануға құқығыңыз бар екені түсіндіріледі.
 

Кабылбаева Анар Категория Жалпы мәселелер Дата: 18.03.19

Вопрос:

Құрметті Көшербаев Қырымбек Елеуұлы І Сізден сұрайтыным, мен жалғыз басты анамын, бір ұл тәрбиелеп отырмын, мендегі мәселе, ұлымның жаңа жылда Аяз атаға жазған хатындағы арманы , жеке баспанасы болса екен деп армандайды. Әр пәтерден көшуден жалыққан. Пәтерде кезекте тұрмын. Бірақ ол кезек қашан келетіні белгісіз. Ипотека алайын десем, айлық көрсеткішім аз, бастапқы жарнамасын төлей алмаймын, өйткені пәтер ақымнан ауыспайды. Осы тұрғын үй пәтер алудың шарттарын қайта қарастыруды сұраймын. Орда бағдарламасы дейсіз, 12 ай жинайтын ақшам жетпейді, айлығымның көрсеткіші 100 мың теңгеден аса болу керек екен. Мен мемлекеттік қызметкер, 2019 жылғы пайыздық жалақы қосқандағы айлығым 78 мың теңге құрайды. Сұрағым жауапсыз қалмайды деп ойлаймын.

Ответ:

Сіз, Қазақстан Республикасының «Тұрғын үй қатынастары туралы» Заңына сәйкес тұрғын үй алу кезегіне 2018 жылғы 13 наурыздағы  арызыңыз бойынша мемлекеттік бюджеттік қызметкер тобына тіркелгенсіз. Кезегіңіздің реттік саны –10156.                      
Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.                          
Сондай-ақ, аталған баптың 3-тармағына сәйкес, тізімге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.
Сонымен қатар, Сізге Қазақстан Республикасы Ұлттық Банкі Басқармасының 2018 жылғы 31 мамырдағы №107 қаулысымен бекітілген «7-20-25 Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасына қатысуды ұсынамыз. 
Бағдарлама Мемлекет басшысының 2018 жылғы 5 наурыздағы халыққа арналған «Президенттің бес әлеуметтік бастамасы» үндеуінде айтылған бірінші әлеуметтік бастаманы іске асыру шеңберінде әзірленді.
Атап айтқанда, ипотекалық тұрғын үйдің сыйақы мөлшерлемесі – жылдық 7%, бастапқы жарна – 20%, қарыз мерзімі – 25 жылға дейін болатын талаптарына сәйкес беріледі.
Бағдарламаға Қазақстан Республикасының еңбек және (немесе) кәсіпкерлік қызметтен алатын табысы бар, сондай-ақ меншік құқығында тұрғын үйі жоқ кез келген азаматы қатыса алады.
7-20-25 Бағдарламасының талаптарын түсіндіру үшін Қазақстан Ұлттық Банкінің «ҚҰБ «Online» мобильдік қосымшасында 2018 жылғы 19 маусымнан бастап «7-20-25» жаңа бөлімі іске қосылды, онда осы Бағдарламаға қатысты қызығушылық тудыратын сұрақтарға жедел жауап алуға болады.
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа  шағымдануға құқығыңыз бар екені түсіндіріледі.       
 

Темірбайұлы Ақтілек Категория Әлеуметтiк қамсыздандыру Дата: 18.03.19

Вопрос:

Саламатсыз ба, Қырымбек Елеуұлы. Менің аты-жөнім Ақтілек Темірбайұлы. Қалалық білім бөліміне қарасты Оқушылар сарайында әдіскер-педагог болып қызмет жасаймын. Отбасымда анамыз екеуміз. Анам 3-топтағы мүгедек. Қалада пәтер жалдап тұрамыз. Түрлі бағдарламалар бойынша пәтер алу мүмкіндігі болмай жатыр. Түсіндірулерінше қанағаттанарлық жауап алар емеспін. Мүгедек анаммен пәтерден пәтерге көшу үлген қиындық тудырып отыр. Осы орайда Жастар жылында көрсетер қолдауыңыз болса екен деймін. Әрине, тегін пәтер сұраудан аулақпын! Ипотекалық жолмен төлейтін болса екен деймін. Жалғыз түйір анамның өз үйінде тұрғанын көру мен үшін үлкен қуаныш болар еді. Алдын ала рахмет!

Ответ:

Сіз, Қазақстан Республикасының «Тұрғын үй қатынастары туралы» Заңына сәйкес тұрғын үй алу кезегіне 2018 жылғы 23 шілдедегі арызыңыз бойынша мемлекеттік бюджеттік қызметкер тобына тіркелгенсіз. Кезегіңіздің реттік саны –10603.
Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.                          
Сондай-ақ, аталған баптың 3-тармағына сәйкес, тізімге енгізілген азаматтардың құқықтары тең деп танылады. Тізімге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетім балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.
Сонымен қатар, Сізге Қазақстан Республикасы Ұлттық Банкі Басқармасының 2018 жылғы 31 мамырдағы №107 қаулысымен бекітілген «7-20-25 Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасына қатысуды ұсынамыз. 
Бағдарлама Мемлекет басшысының 2018 жылғы 5 наурыздағы халыққа арналған «Президенттің бес әлеуметтік бастамасы» үндеуінде айтылған бірінші әлеуметтік бастаманы іске асыру шеңберінде әзірленді.
Атап айтқанда, ипотекалық тұрғын үйдің сыйақы мөлшерлемесі – жылдық 7%, бастапқы жарна – 20%, қарыз мерзімі – 25 жылға дейін болатын талаптарына сәйкес беріледі.
Бағдарламаға Қазақстан Республикасының еңбек және (немесе) кәсіпкерлік қызметтен алатын табысы бар, сондай-ақ меншік құқығында тұрғын үйі жоқ кез келген азаматы қатыса алады.
7-20-25 Бағдарламасының талаптарын түсіндіру үшін Қазақстан Ұлттық Банкінің «ҚҰБ «Online» мобильдік қосымшасында 2018 жылғы 19 маусымнан бастап «7-20-25» жаңа бөлімі іске қосылды, онда осы Бағдарламаға қатысты қызығушылық тудыратын сұрақтарға жедел жауап алуға болады.
Өтінішке берілген жауапқа қанағаттанбаған жағдайда «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес, жоғарғы органға немесе сотқа  шағымдануға құқығыңыз бар екені түсіндіріледі. 
 

Алимшеев Самат Категория Құрылыс Дата: 18.03.19

Вопрос:

Саламатсыздар ма Альфараби ауданы Ашырбеков көшесы бойына қашан жол жөндеу жұмыстары жүргізіледі екен осыдан 7,8 жыл бұрын жүргізілген тас жолы жерге сіңіп ойлы-қырлы болып жоқ болып кеткен, қар жаңбырлы күндерден кейінгі балшықтан оқушы балалар мен үлкен кісілердің жүріп тұруы өте қиын осы мəселені назарыңызға алып шешілуіне ықпал жасауды сұраймын.

Ответ:

Қызылорда қаласы, ұзындығы 3,5 шақырымды құрайтын А. Әшірбеков көшесіне Сағымбаев көшесінен Әл-Фараби көшесіне дейін орташа жөндеу жұмыстарын жүргізуге жоба-сметалық құжаттары әзірленіп, облыстық бюджеттен қаржы бөлуге бюджеттік өтінім ұсынылды.
Алдағы уақытта, бюджеттен қаражат бөлінгеннен кейін, құрылыс–монтаж жұмыстары жүргізілетіндігін хабарлаймыз.
«Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 10 бабы 1 тармағына сәйкес қабылданған шешімге шағымдануыңызға болады.
 

Сұлтанбек Батырхан Категория Бiлiм Дата: 15.03.19

Вопрос:

Ассалаумағалейкум.Мен Сұлтанбек Батырхан *SPEAK ENGLISH KAZAKHSTAN* мекемесінде бір жылдаң астам жұмыс жасап келемін.Біздің мекеме Ел басымыздын жолдауымен 10 жылдан асатам қызылорда халқына ағылшын тілін жоғарғы деңгейде білім беріп келеді.Қазіргі таңда мемлекет қызметкерлерімен келісім шартқа отсақ дейміз.Барлық мемлекет қызметкерлері біздің мекемеден білім алғанын қалаймыз және Обылыс башшысынын атынан мекемемізге мақтау қағазын жіберсе екен деймін.

Ибраемова Жазира Категория Жалпы мәселелер Дата: 15.03.19

Вопрос:

Саламатсызба Қырымбек Елеуұлы!Менің сізге 22.11.18ж. веб-порталға жазған өтінішім бойынша маған "бос жұмыс орны жоқ" деген жауап берді. 20.11.18ж. сіздің қабылдауыңызға жазылған едім, содан 19.12.18ж облыс әкімшілігінен кезегімнің жақындағанын айтып хабарласқан болатын. Бүгін, 20.12.18ж. сағат 18:00ге мені аулан әкімдіне шақырған. Мені аудан әкімінің орынбасары Нұрғиса ағай(әкесінің атын білмедім) қабылдап, сол қабылдауда аудандық білім бөлімінің басшысы Бектұр Асанханұлы, Сәндібай ағай(әкесінің атын және лауазымын білмедім), өзімнің анам болды. Мен мәселемді айта бастағаннан,Бектұр Асанханұлы маған "жұмыс жоқ" деп кесіп айтты. Мен осы мәселемен тамыз айынан бастап жүргенімді біледі. Дипломыма сәйкес жұмыс болмаса, ЕТ операторы курсын бітірген куәлігім бойынша қабылдаңыз деген едім. Мүлде қарсылық танытып, "жоқ" деді. Осы қабылдауда аудандық білім бөлімінің басшысына тікелей сауал тастағанымда(мектепке жұмысқа қабылдап, бұйрық шығаратын кім дегенмін), мектеп директорларының құзырында деп жауап берді. Мен кенттегі мектептің директорларына түйіндеме апарып, жұмысқа қабылдауын сұрағанымда білім бөлімінің басшысы шешеді деп қайтарған еді. Сонда білдей бір ауданның білім бөлімінің басшысы мектеп директорларына тапсырма бере алмайма? Жұмысқа орналасу мұң болды мен үшін. Тіпті бүгінгі қабылдауда Б.Асанханұлы өзіне қойылған тікелей сұрағыма шамданып, орнынан тұрып кетті. Және менің намысыма тиетін сөз айтып кетті. Аудан әкімінің орынбасары Нұрғиса ағайға "енді мені мынадай жын-жыпырға шақырмаңыз" деп, орнынан тұрып кетті. Сол жерде отырғандардың бәрі естіді, КУӘ.Сонда алдына келіп өз құқығымды қорғағаным үшін және тікелей сұрағым үшін осындай сөз естіп отырмын. Білімді ұрпақ тәрбиелейтін адам осындай болама? Сонда мен ол кісіге сұрақ қоймауым керек па? Мектепте педагогикалық дипломсыз жұмыс жасап жатқандарды айтқанымда ештеңе білмедім деді. Сонда мектепке жұмысқа қабылдағанда конкурстық негізде жүзеге асады дегені қайда? Мен жалғызбасты анамын, көмектесіңізші деп барғанымда, мені тыңдағысыда келмеген. Ол кісіге мен шағымдана алмаймынба сонда? Бір ауданның білім бөлімін басқарып отырған адам қалайша мектеп директорларының шешіміне қарап қалды? Сөзі үйлеспейді мүлде. Қазақ тілінің маманы лаборант бола алмайды деген. Сонда бастауыш сыныптың маманы лаборант қалай болады??? Бұл екеуінде де лаборатория ЖОҚ. Мектепте кімнің не қызмет жасап жүргенін білмесе, орнын БОСАТСЫН!Мен қолымда ЖОО бітірген дипломым және компьютерлік курс бітірген куәлігіммен жұмысқа тұра алмайды екенмін. Жалпы бүгінгі қабылдауда айтқан сөзі намысыма қатты тиді. Ұстаздардың алдыңғы қатарында бола тұра, ол көрнгендігін көрсете алмады. Кіммен қалай сөйлесуді білмесе,қарапайым халықтан үйренсін! Құрметті Қырымбек Елеуұлы! Сізден өтінерім, менің жұмысқа орналасу(тіпті мектеп болмаса да, мекемелерге операторлық орын болсада келісемін. Маған тұрақты жалақы төленетін жұмыс керек) туралы мәселемді шешіп берсеңіз және аудандық білім бөлімінің басшысына қандайда бір шара көруіңізді сұраймын.Мен сияқты қарапайым тұрғын өз ойын айтамын деп, осылай сөз естіп отыра береме? Ауданның ұлағатты ұстазы аузына келгенін айтып кете береме? Сізден осы өтінішімді назарыңызға алуыңызды сұраймын!

Ответ:

Қазалы ауданы әкімі аппаратының мәліметіне сәйкес, Сіз 2018 жылы қазан айында аудандық білім бөлімі басшысының қабылдауында болып, Әйтеке би кентіндегі білім беру ұйымдарынан өз мамандығыңызға сәйкес немесе басқа да тұрақты жұмысқа орналасуды сұрағансыз. 
Мамандығыңыз бойынша сәйкес жұмыс жасау Қазалы ауданында орыс сыныптары бар екі мектепте (№16,266 мектеп-лицей) қазақ тілі мен әдебиеті пәнінен сабақ беруге сәйкес келеді. Аталған білім беру ұйымдарында мамандығыңызға бойынша бос жұмыс орындары болмаған. 
Дегенмен, Сізге аудандық білім бөлімі тарапынан Әйтеке би кентіндегі №266 мектеп-лицейдің мектепалды даярлық тобының орыс бөліміне тәрбиеші және уақытша хатшы жұмыс орындары, сондай-ақ 2019 жылдың 8 қаңтарында Әйтеке би кентіндегі №234 орта мектептен уақытша қазақ тілі мен әдебиеті пәні мұғалімі жұмыс орындары ұсынылғанымен Сіз жұмыс орындарынан бас тартқансыз. 
Сонымен бірге, Әйтеке би кентіндегі білім беру ұйымдарынан вахтерлік қосымша штаттардың берілуіне орай аудандық білім бөлімі тарапынан Сізге вахтерлік бос жұмыс орны ұсынылған.
Алдағы уақытта мамандығыңызға сәйкес бос жұмыс орындары болған жағдайда тұрақты жұмыс ұсынылатын болады.
Сондай-ақ, аудан әкімі аппаратының мәліметі бойынша өтініште көрсетілген  аудандық білім бөлімінің басшысы Б.Қалидің іс-әрекетіне байланысты мемлекеттік қызметшілердің қызметтік әдеп нормаларының бұзылуы анықталмаған.
Дегенмен, аудандық білім бөлімінің басшысы Б.Қалиға алдағы уақытта өзінің іс-әрекетімен және мінез-құлқымен қоғам тарапынан айтылатын сынға себепкер болмауға, орынды сынды кемшіліктерді жою жөнінде қатаң ескерту жасалған.
 

Байжуманов Серик Дата: 13.03.19

Вопрос:

Учитывая взаимные производственные потребности и возможности настоящим предлагаю заключить договор, об использовании свойств признака социальный характер ( авт) при классификации помещении архитектурного здания железно-дорожного вокзала ст. Кызылорда, ст. Шиели, ст. Казалинск, ст Аральск. Формула определения признака социальный характер содержится в описании авторской работы под названием, методические рекомендации по классификации величины варьирования признака исследуемого вида. Основные условия соблюдения требовании авторских прав.

Алтынбаева Гульзинат Категория Халықтың жұмыспен қамтылуы Дата: 12.03.19

Вопрос:

Құрметті Көшербаев Қырымбек Елеуұлы!Биыл жастар жылы дегелі менде үміттеніп сізге өтініш айтқалы отырмын.Менде жас отбасымын.Жұмыссыздық жағы қиындатып отыр.Ипотнкалық жолмен баспанаға қол жеткиздикпе деп қуанып отырғанымызда жұмыссыз қалып отырмын.Мамандығым педагогика-психология.Қазір жұмысқа тұру үшін танысың болу керек, танысың болу үшін қаражатың тағы болу керек заман болдығой.Сізден үлкен өтініш,қазір жетіспеушілік кезде маған өз мкр Арай ға жақын ,болмаса қала орталығынан(себебі балаларымды мектепке,балабақшаға апаруыма) жұмыс қарастырып беруіңізді, жәнеде сол жұмысқа орналасуда қолдау білдіруіңізді сұраймын. Рахмет, өтінішімді қарастырасыз деген үміттемін.Халықтың алғысын алып жүре беріңіз.

Беттер

Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика