ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).

Бейнематериалдар

Қызылорда облысын цифрландыру және SmartCity жобаларын жүзеге асыру бойынша ақпарат
Сандық трансформация Президент Жолдауында Қазақстандағы Үшінші жаңғыртудың желілік бағыты ретінде белгіленген. 
Осының негізінде 2017 жылдың соңында негізгі 5 бағыттан (экономика салаларын цифрландыру, сандық мемлекетке көшу, сандық Жібек жолын жүзеге асыру, адами капиталды дамыту, инновациялық экожүйені құру) тұратын «Цифрлы Қазақстан» Мемлекеттік бағдарламасы бекітілді. 
5 бағыт аясында 17 бастама мен 100-ден астам іс-шаралар жасақталып, 16 іс-шара бойынша жергілікті атқарушы органдар тікелей немесе жанама жауапты ретінде бекітілді. 
Мемлекеттік бағдарламаны жүзеге асыру мақсатында «Smartcity» тұжырымдамасы әзірленді. Тұжырымдама «ақылды» және өмір сүруге қолайлы қала құруға қажетті негізгі бағыттарды, жобалар мен шешімдерді қамтиды. 
«Ақылды» қала құрудың мақсаты тұрғындардың қажеттіліктерін қамтамасыз ету және қызмет көрсету тиімділігін арттыру үшін ақпараттық технологиялардың көмегімен өмір сүру сапасын жақсарту. 
Үстіміздегі жылы Қызылорда облысы ақылды басқару бойынша пилоттық аймақ болып белгіленді. Аймақты цифрландыру аясында 37 жобаны жүзеге асыру жоспарлануда. Тұрғындардың хабардарлығын арттыру мақсатында «Облыстың салаларын цифрландыруға бағытталған іс-шараларды ақпараттық сүйемелдеу бойынша» медиа-жоспар ү.ж. 25 қаңтарында №03/1-8/577 санымен бекітілді.  Бүгінгі күнге медиа-жоспар аясында жергілікті басылымдар мен интернет-ресурстарда 262 материал жарияланып, телеарналардан 121 сюжет көрсетілді. 
Төменде облысымызды цифрландыру аясында жүзеге асырылып жатқан ірі жобалар бойынша ақпарат ұсынылған. 
«Ақылды басқару» бағыты 

Білім беру саласы

Денсаулық сақтау саласы

ТКШ саласы

Көлік саласы

Қауіпсіздік саласы

Ауыл шаруашылығы және ветеринария саласы

Мәдениет,мұрағаттар және құжаттама саласы
«Қызылорда қаласында IT парк құру» жобасы бойынша 60,0 млн теңге көлемінде қаражат бөлінді. IT парктің құрылу мақсаты: 
-ИКТ саласындағы стартап жобаларды қолдау және дамыту;
-лабораторлық симуляторларда, контроллерларда және бейнепанельдерде VR/AR технологиялар бойынша  2D, 3D графикалық жобаларды дайындау және тестілеу;
-IT жобалардың технологиялық тиімділігін дамыту және жоғарылату бойынша коворкинг орталықтың қызметін ұсыну;
-АТ саласында әртүрлі салалар бойынша оқыту курстарын өткізу;
-Ақпаратты-бағдарламалық өнімді құру арқылы облыстың даму салаларын автоматтандыру;
ІТ парк келесі аймақтардан тұратын болады: 
-коворкинг аймақ;
-бизнес-келісімдер аймағы;
-талқылау және демалу Free-зона аймағы;
-лекциялық «трансформ» аймақ;
-Техно-лаборатория (шеберхана);
-VR/AR аймақ;
-серверлік және техникалық аймақ.
Мемлекеттік сатып алу процедуралары а.ж. мамыр айына жоспарланған.
«Электронды үкіметтің архитектурасын дамыту бойынша тұжырымды әзірлеу» жобасы бойынша 92,0 млн. теңге көлемінде қаражат бөлінді. Бүгінгі күні IT-паркін жабдықтау бойынша конкурс жарияланды.(өтінімді қабылдау мәртебесі)
«Бірыңғай Ахуалдық-талдау орталығы» жобасы бойынша қажетті қаражаттар бөлінді, Power BI платформасына өту бойынша және «Бюджет», «Занятость» жаңа ішкі жүйелерді енгізу бойынша жұмыстар жүргізілуде.
Білім беру саласы
1.«Электронды балабақша» автоматтандырылған жүйесі
Мектепке дейінгі балаларды метепке дейінгі ұйымдарға кезекке қою процесін автоматтандыру мақсатында «Электронды балабақша» автоматтандырылған жүйесі енгізілуде.
Облыстың 414 мектепке дейінгі ұйымдарын «Электронды балабақша» автоматтандырылған жүйесіне қосуға 55,6 млн.теңге бөлінді. Мемлекеттік сатып алу жұмыстары аяқталып келісім шартқа отырылды. Аудандар бойынша мектепке дейінгі білім беру ұйымдарының жауапты әдіскерлерлеріне оқыту семинарлары жүргізіліп, жүйеге мәлімет енгізу жұмыстары 100%-ға аяқталды.
2. «Робототехника» жобасы
2018 жылы облыстың 92 мектебі «Робототехника» кабинеттерімен қамтылады. Бұл мақсаттарға облыстық бюджеттен 308,6 млн теңге бөлінді. 
«Робототехника» жобасын әзірлеу бойынша техникалық талаптар (комплектация бойынша сметасы) әзірленді. Бүгінге мемлекеттік сатып алу жұмыстары аяқталып жабдықтарды жеткізу жұмыстары жүргізілуде.
3.«3D-модельдеу» жобасы
«3D-модельдеу» бағыты бойынша 4 тіреу мектеп және 9 оқушылар сарайы анықталды. Облыстық бюджеттен жобаға 87,0 млн теңге бөлінді. «3D-модельдеу» жобасын әзірлеу бойынша техникалық талаптар (комплектация бойынша сметасы) әзірленді. Қазіргі таңда мемлекеттік сатып алу жұмыстары Шиелі және Қызылорда қаласында жүргізілуде(қалған аудандарда жеткізу жұмыстары аяқталған).
4.IT IMAQORDA ресурстік методикалық орталығын ұйымдастыру
Балалардың шығармашылық белсенділігін, әртүрлі жағдай кезінде оңтайлы шешімдер қабылдауда дербестігін, назарын дамыту, шапшаң есте сақтау қабілетін, қиялдауын, ойлау қабілетін дамыту мақсатында IT IMAQORDA ресурстік методикалық орталығының жобасы жүзеге асырылуда. 
Облыстық бюджеттен 60,0 млн тенге көлемінде қаражат бөлінді.
Қазіргі таңда мемлекеттік сатып алу жұмыстары  аяқталып, келісім шартқа отыру жұмыстары жүргізілуде. 
5.«Күнделік» электронды журналына қосылған мектептерді планшетпен жабдықтау
Оқу-тәрбие үдерісін автоматтандыру, қағазбастылықтан арылу және білім беру сапасын арттыру мақсатында облыстың 293 жалпы білім беретін ұйымы «Күнделік» электронды журналдарының бірыңғай ақпараттық жүйесіне қосылған.
2129 планшетті алу үшін бюджеттен 74,5 млн теңге көлемінде қаржы бөлінді. 
Қазіргі таңда мемлекеттік сатып алу жұмыстары аяқталып планшеттер мектептерге таратылды.
6.Мүмкіндіктері шектеулі балаларға арналған онлайн сабақтар - қашықтықтан оқыту сыныптары және шынайы уақыт режимінде бағдарламалық қамтамасыз ету.
Қашықтықтан оқытумен қамтылған мүмкіндігі шектеулі балалардың саны – 178.
Онлайн сабақтардың басты мақсаты – үйден оқытылатын орта білім беру мектептердің оқушыларына онлайн сабақтарды ұйымдастыру, пәндер бойынша тәжірибені тарату.
Онлайн сабақтарды өткізуге жергілікті бюджеттен 1,6 млн.тг. бөлінді, онлайн сабақтар а.ж. ақпан айынан бастап жүргізілуде.
Денсаулық сақтау саласы
«Телемедицина» жобасы бойынша қажетті бюджеттік қаражат (21, 208 млн.тг.) бөлінді. Қызылорда облысының 15 медициналық ұйымдарында, оның ішінде 8 аудандық, 1 қалалық және 6 облыстық медицина ұйымдарында телемедицина жабдық кешені орнатылған.
«Қызылорда облысында патронаждық қызметтің мобильдік қосымшасын енгізу» жобасын жүзеге асыруға  қаржы талап етілмейді. Бүгінгі күні мобильдік қосымшалар әзірленді. Олар ана мен балаға патронаждық мейірбикелік қызмет көрсетуге арналған. "Патронаждық медбике" және "Ерте жастағы балаларды күту" мобильдік қосымшаларының тестілік нұсқалары Google Play Market-те орналастырылған және жүктеу үшін қол жетімді. Пилоттық ұйымдар №1 және №6 қалалық емханалары. Медициналық персонал жұмыс бойынша оқудан өтті.
«Қызылорда облысында санитарлық көліктердің жарақат жағдайындағы gps-мониторингі» жобасы бойынша (GPS)  із-кесу жүйесімен облыстағы жедел-жәрдем бригадаларының  100%, яғни 75 қалалық  және аудандық медициналық көмек санитарлық көліктердің барлығы қамтылған.
«Қызылорда облысында медициналық ақпараттық жүйелерді енгізу» жобасында барлық медициналық ұйымдар қамтылған. Қосымша компьютерлік техникаларды сатып алуға  жергілікті бюджеттен  175 млн теңге қаржы бөлінген. Қазіргі таңда, компьютерлік техникамен 85,3% қамтамасыз етілді. Жылдың соңына дейін компьютерлік техникалармен 100%-ға қамтамасыз етіледі.  
«Электронды тіркеу» және «Электронды кезек» жобасы бойынша жұмыс тобы құрылды. Жергілікті бюджеттен қажетті жабдық сатып алу үшін 162,113 млн теңге бөлінді. Электронды тіркеуге және жазылуға қажетті құрал жабдықтар сатып алу мақсатында мемлекеттік сатып алу жұмыстары жүргізілді. (Терминал жеткізуші Алматы қаласының «Infinity Way» ЖШС-гі, телевизор жеткізуіші Алматы қаласы  «ON PRO» ЖШС-гі, ноутбук (мини ПК компьютер) жеткізушісі Қызылорда қаласы «Орда Принт Сервис» ЖШС-гі және бағдарламалық қамтамасыз етуші Қарағанды қаласы«Қазақстан ақпарат графикасы» ЖШС-гі) Қазіргі таңда құрал жабдықтардың жеткізілуі жүргізілуде.
«Ықпалдастырылған операциялық жүйені орнату» жобасы облыстық медицина орталығында МЖӘ аясында жүзеге асырылады (жобаның жоспарланған сомасы 380,0 млн.тг.), жобаның Концепциясын әзірлеуге     6,280 млн.тг бөлінді. Жобаның конкурстық құжаттамасы, ақпараттық парақ және МЖӘ келісім-шарт әзірленді. Қазіргі таңда конкурстық жұмыстар жүргізу бойынша хабарлама жарияланды.
ТКШ саласын цифрландыру бойынша
«Ақылды ТКШ» жобасын іске асыру мақсатында «Е-шаңырақ» бірыңғай интеллектуалдық жүйесіне деректерді беруге есепке алу құралдарымен жабдықтау мақсатында Тасбогет кентіндегі 13 көпқабатты тұрғын үй таңдалды. ЭжТКШ басқармасы және ПИК қызметкерлерімен бірігіп пилоттық жоба бойынша таңдалған үйлердің тұрғындарына бірыңғай интеллектуалдық жүйеге қосылу бойынша түсіндірме жұмыстары жүргізілді.
Қазіргі таңда облыстық бюджеттік комиссия шешімімен аталған жобаны іске асыру мақсатында 6 млн.теңге қаражат бөлініп жоғарыда аталған көп қабатты тұрғын үйлерді қажетті техникамен жабдықтауға арналған тендер жарияланды.
Бұдан басқа, «Транстелеком» АҚ-да басқарылатын «Ипподром», шағын ауданында орналасқан 6 көп қабатты пилоттық үйлерді деректерді беру үшін есепке алу аспаптарын жабдықтау бойынша жұмыстар аяқталды. Қазіргі уақытта онлайн режимінде есептеу аспаптарынан ақпаратты оқуға және көруге мүмкіндік береді. 
Сонымен қатар жоғарыда аталған жұмыстарды аяқтағаннан кейін электронды ПИК-ке (E-ПИК) енгізу бойынша жұмыстар жүргізіледі, оның көмегімен көп қабатты тұрғындар ПИК-мен қашықтан өзара ақпарат алысады.  
Сонымен қатар, қолданбаны пайдалану арқылы :
ПИК-нен ұялы телефонға хабарландырулар алу; төтенше жағдайларды жою және олардың мониторингін жүргізу туралы өтініштер қалдыру; электрондық сауалнамаларға / сауалнамаларға қатысу ПИК-ның тоқсан сайынғы қаржылық есептілігін алуға; көрсетілген қызметтердің сапасын бағалау; ақылы қызмет көрсету. 
«Сумен қамтуды және су бұруды бақылау жүйесі»
Еуропалық Қайта Құру және Даму Банкімен жасалған Несиелік шартқа сәйкес «Қызылорда қаласын сумен жабдықтау және су бұру жүйесін жаңарту» жобасы іске асырылуда.
Жалпы жобаның құны – 11,1 млн. АҚШ доллар, оның ішінде:
ЕҚҚДБ –2,1 млн.АҚШ доллар. (под 4% на 13 лет, включая льготный период в течение 3 лет и срок погашения суммы долга до 10 лет).
Техникалық Фонд – 1,4 млн.АҚШ доллар.
ҚР Үкіметі - 7,6 млн.АҚШ доллар. 
(2,5 млрд.теңге, оның ішінде 2250,0 млн.теңге РБ, 250,0 млн.теңге ОБ).
Бүгінгі күнге, кредиттік шартта жоспарланған 4 компоненттің 2 компоненті жүзеге асырылды (арнайы техника мен қондырғыларды жеткізу және гидравликалық модельді әзірлеу) жұмыстары аяқталды.
2 компонент бойынша ("Шығын өлшегіштер мен қысым өлшегіш аспаптарын қоса алғанда СКАДА жүйесі" және "Ұңғымаларға арналған жабдықтарды жеткізу және монтаждау) жұмыстар жүргізілуде, аяқталу мерзімі 2019 жыл. 
•СКАДА жүйесін, сонымен қатар шығын мен қысымды өлшеу құралдарын қолданысқа енгізу:
Барлығы 83 қысым датчиктері орнатылуы жоспарлануда, оның 45 датчиктері ауыз су бақылау құдықтарына, қалғандары ауыз су имараттары мен қысымды ауыз су құбырларына орнатылатын болады.
СКАДА жүйесін енгізу нәтижесінде кәсіпорынға жалпы су шығының қала бойынша толық қадағалауға қол жеткізеді, нормативтен тыс су шығының 15,8 пайызын жою және нормативтік шығындар 14,4 пайызға дейін төмендейді
•Ұңғымалар үшін қондырғыларды сатып алу, жеткізу және монтаждау:
Жобаның негізгі мақсаты су беру режимін оңтайландыру, пайдалану шығындарын азайту, ауыз су беру қызметін мен ауыз су сапасы жақсарту және тұрақтандыру. Қызылжарма кең орнының 30 ұңғымасын қайта жаңғырту. Жобаның негізгі мақсаты Қызылжарма кең орнынан алынатын су көлемін тәулігіне шамамен 12,5  текше метрге ұлғайту. 
«Ақылды жарықтандыру» 
Облыстық бюджеттен 29,1 млн. теңге бөлініп, «Қызылорда қаласы көшелерінің түнгі жарықтарына күрделі жөндеу» жобасы бойынша жоба- сметалық құжаттарын  әзірлеуге мемлекеттік сатып сатып алу конкурсы өткізіліп жеңімпазы анықталды. Жоба-сметалық құжаттарын әзірлеу, сараптама қорытындысын алу бойынша жұмыстары а.ж. қараша айында аяқтау жоспарлануда.
Осы орайда, жобаны мемлекеттік және жеке меншік әріптестік аясында 2019 жылы іске асырылу жоспарлануда. 
Қызылорда қаласының аумағында 14 893 жарық шамы орнатылған, 9264 бағаналары бар, олардың  5515 (37 %) қыздыру шамдармен қамтылған.
Аталған жоба іске асырылған жағдайда 3679 бағана (39 %) ауыстырылып, 2879 (52 %) жарық көзі электр үнемдегіш шамдарға алмастырылады.
Нәтижесінде жылына 3,0 млн. квт*сағ электр энергиясы немесе 50,0 млн. теңге қаражаты үнемделеді. 
Күтіп ұстау жұмыстарының шығыны 208 млн. теңгеден 178 млн. теңгеге дейін (немесе 15 %) төмендеуі күтілуде 
«Ақылды электр желілері» 
2018-2019 жылдары ЕҚҚДБ бағдарламасы аясында Қызылорда қаласы және қала маңындағы барлық (300-ден кем емес) көп қабатты тұрғын үйлердің есепке алу шкафтар, кернеулігі 10/0,4 кВ 600 ҚС орналасқан аспаптарын  АСКУЭ қосылуы  жоспарлануда. Бұл көпқабатты сектор бойынша электр энергиясының ұрлығын төмендетуге, сондай-ақ, кернеулігі 10/0,4 кВ ҚС бойынша электр желі параметрлерін бақылауға, анықталған ақауларды жедел жоюға мүмкіндік береді. 
Жобаны іске асыру нәтижесінде коммерциялық ысыраптардың 36,3 млн. кВт*сағ (2%) немесе 377,5 млн. теңге төмендеуі күтілуде. (2017 жылдың қорытындысымен "ҚЭТТК" АҚ бойынша электр энергиясының коммерциялық шығындары 154 млн. кВт*сағ (17,25%) немесе 1,2 млрд. теңгені құрады.)
Оған қоса, нәтижесінде ақаулардың орнын дәл анықтап оларды жою бойынша уақыты едәуір қысқаратын болады. 
Сонымен қатар, ЕҚҚДБ бағдарламасы аясында қосалқы станциялардың қосылуы  мен ажыратылуына, ағындар қуатын онлайн-режимінде бақылауға мүмкіндік беретін бағдарламасымен қоса заманауи электрондық диспетчерлік қалқан орнату жоспарлануда. 
«Бірыңғай төлем құжаты» 
Қазіргі таңда «Бірыңғай төлем құжаты» жобасы іске асырылып, қала тұрғындарының барлығы бірыңғай төлем құжатымен толығымен қамтылған. Нысаналы индикатордың мәніне (85 мын тұрғын) қол жеткізілді.
«Қауіпсіз үй» 
Қазіргі таңда 388 кіреберіске яғни 77 көпқабатты тұрғын үйге 766 дана бейнекамера қойылды., аталған жоба толығымен жүзеге асырылды.
Көлік саласын цифрландыру
Қоғамдық көліктерде қолма-қол ақша төлеуді болдырмау мақсатында «Қызылорда қаласының қоғамдық көліктеріне электрондық билет беру жүйесін орнату» жобасы іске асырылуда. Жоба МЖӘ механизмі бойынша іске асырылады(тұжырымдамасын әзірлеуге 6,280 млн.тг бөлінді).
Конкурстық құжаттаманы әзірлеу бойынша жұмыстар аяқталуда. Қажетті сараптамалық қорытындылар алынғаннан кейін жеке әріптесті таңдау жөніндегі конкурс өткізілетін болады.
Қызылорда қаласының автовокзалында «НАС» автоматтандырылған есепке алу жүйесін енгізу» жобасы (автовокзалдың өз қаражаты есебінен). Жоба автовокзалдың(«Салтанат»ЖШС)қаржылык қиындықтарына байланысты уақытша тоқтатылды.
Қауіпсіздік саласын цифрландыру
1.«112 бірыңғай кезекші диспетчерлік қызметі» пилоттық жобасын іске асыру үшін облыстық бюджеттен 165,3 млн.теңге бөлінді. Жобаның I кезеңі бойынша жұмыстар аяқталды (102 және 103 қызметтері іске қосылды). Жобаның толық аяқталуы(101, 104, 109 қызметтерін біріктіру)2018 жылдың желтоқсанына жоспарланған.
2.«Әкімшілік құқық бұзушылықтардың бірыңғай тізілімі» пилоттық жобасы әкімшілік үдерісті ашық, тез, ыңғайлы ету және айыппұлдардың өндірілуін арттыру мақсатында жүзеге асырылуды.Бөлінген қаражат 49,503 млн. теңге.Облыстық  ІІД Жол-патрульдік қызмет қызметкерлерін техникалық құралдармен қамтамасыз ету аясында мемлекеттік сатып алу кезеңдері аяқталды.Қазіргі таңда Жол патрульдік қызметкерлеріне жабдықтар (планшеттер)таратылып, оқыту жұмыстары жүргізілуде.
3.«Е-УД» электрондық қылмыстық іс жүргізу үшін 
92 автоматтандырылған жұмыс орны (Қызылорда қ.ІІБ үшін 80 жиынтық және Шиелі АІІБ үшін 12 жиынтық) сатып алынады. Бөлінген қаражат 107,729 млн.теңге.Бүгінгі күні осы жобалар бойынша әлеуетті жеткізушілер анықталды, жабдықтар жеткізілуде.
4.Қоғамдық үзіліссіз бақылауды жүзеге асыру үшін 2020 жылдың соңына дейін МЖӘ механизмі бойынша 1400 бейнекамералар орнату жоспарлануда. Бүгінгі күнге уәкілетті органдармен (ҚР ІІМ, ҚР АКМ  және «Зерде» ҰИКХ» АҚ)бейнекамералардың бірыңғай талаптары бекітілмеуіне байланысты, МЖӘ үдерістері уақытша тоқтатылды (техникалық талаптар әзірленбеген).
5.Сондай-ақ МЖӘ механизмі бойынша Қызылорда қаласында
ЖҚЕ бұзушылықты тіркеудің 31 жүйесін қосу жоспарлануда. Жүйелер құқық бұзушылықтардың мынадай түрлерін анықтайды:
-Бағдаршамның қызыл түсіне өту; 
-Жол қозғалысының қарсы бағытқа шығу;
-Стоп-жолақты кесу;
-Тоқтау жолағын кесіп өту;
-Жылдамдықты үдету режимі;
-Жоғалған және ұрланған көлікті автоматты түрде іздеу.
Ауыл шаруашылығы және ветеринария саласы 
Бүгінгі таңда өсімдік шаруашылығы саласында 16 ауыл шаруашылығы құрылымдары сатып алынған шетелдік ауыл шаруашылығы техникасының негізінде ішінара нақты егіншілік элементтерін пайдаланады. 
Агросекторда сандық технологияларды енгізу және кеңінен тарату мақсатында биыл Шиелі ауданының "Ақмая" ШҚ базасында "Akmaya Smart Farm" дәл егіншілігінің сандық платформасы әзірленді және жобаны іс жүзінде іске асыру басталды. Жоба 2018-2019 ж.ж. жүзеге асырылады. 
Сонымен қатар, ү.ж. "КазАгроМир" ЖШС көкөніс (қызанақ) өсіретін заманауи автоматтандырылған жоғары технологиялық жылыжай кешенінің құрылысын бастады. Бүгінгі таңда испан әріптестерімен бірге құрылыс-монтаж жұмыстары жүргізілуде. Жылу, электрмен жабдықтау жұмыстары басталды. Жылыжайда температуралық режим, су құю және тыңайтқыш беру автоматты түрде және жыл бойы реттелетін болады. 
2018 жылы «Арайлым» шаруа қожалығы жылқылардың жағдайын онлайн-режимде қадағалау және күтіп ұстау үшін GPS-құрылғысы бар электронды қарғылар навигаторлар (3 дана) сатып алды.
Атылмыш технология 30 км қашықтықтағыүйірді бақылауға, малдың санын бақылауға және қозғалыс бағытын анықтауға мүмкіндік береді.
Жалағаш ауданында ағымдағы жылы "Манақ баба" ШҚ-да «оазистік суаруды көрсету»жобасы іске асырылды. Жоба Арал өңірінің тұздалған жерлерін Ауыл шаруашылығы айналымына қайтаруға бағытталған. Жобаның арқасында шаруашылықтың автоматтандырылған су беру қондырғылары мен альтернативті - жел және күн энергиясын пайдалану мүмкіндігі бар.
Ауыл шаруашылығы өнімдерінің электрондық саудасын жүйелеу және АӨК (АПК) экспорттық әлеуетін арттыру мақсатында ағымдағы жылдан бастап «Агробиржа» жобасы іске асырылуда.
Жоба ауыл шаруашылығы тауарын өндірушілерді электрондық сауда алаңымен қамтамасыз ету үшін веб-ресурсты құруға және оның жұмыс атқаруына бағытталған.Сайттың мобильді нұсқасы жасалды .
Мәдениет, мұрағаттар және құжаттама саласы
«Қызылорда облысының тарих және мәдениет ескерткіштеріне QR-код орнату», «Қызылорда облысының тарихи-мәдени мұра объектілерінің 3D форматтағы интерактивті картасын құру» жобалары. Жоба Аяқталу сатысында (Арал, Касалы, Қармақшы, Жалағаш, Сырдария) Екінші  жоба бойынша облыстық бюджеттен 15 млн.тг көлемінде қаржы бөлінді. Қазіргі таңда жобаның жол картасына сәйкес картографиялық негіздемесін жасау және Интерактивті картаның жұмысшы нұсқасын  әзірлеу жұмыстары жүзеге асырылуда. Алдын ала болжам бойынша жобаның аяқталу мерзімі а.ж. қараша айына жоспарланған. 
Жастар саясаты саласы бойынша жыл соңына дейін "Мобильді кітапхана" жобасын аяқтау жоспарланып отыр.  Жобаны іске асыру үшін облыстық бюджеттен 600,0 мың теңге көлемінде қаражат бөлінді. Қаланың 15 жаңғыртылған аялдамаларында және теміржол сонымен қатар автовокзалдарда стендтер орнатылды. Облыстық және қалалық БАҚ және әлеуметтік желілерде үшінші тоқсанға арналған афишалар мен бейнероликтерді жариялау бойынша жұмыстар жүргізілуде.
Құрылыс саласында  мәліметтерді жинақтаудың бастапқы кезеңіндегідей есептерді мәліметтерді өңдеуде жұмыс көлемін азайту, қызметкерлермен тікелей байланысты шектеу арқылы сыбайлас жемқорлыққа жол бермеу мақсатында «Құрылыс саласындағы бақылау, мониторинг және кеңес беруде электрондық платформаны енгізу» жобасын жүзеге асыру жоспарланған.  Бұл жоба гранттық негізде жүзеге асырылады, бюджеті  2,0 млн.тг. Қазіргі  "ITPark"мамандарымен платформа әзірленуде. Жоба аяқталу сатысында.  

 

Құрылған күні: 25-04-2018 10:04
Жаңартылған күні: 01-11-2018 09:56

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).
Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика