ҚЫЗЫЛОРДА
ОБЛЫСЫ
ӘКІМДІГІНІҢ РЕСМИ
ИНТЕРНЕТ-РЕСУРСЫ

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).

Облыс бойынша 2018 жылдың 9 ай қорытындысымен    
Облыс бойынша 2018 жылы 9 айында 13667 бала дүниеге келіп, оның 98,6 пайызы немесе 13471 баласы ВГВ ауруына қарсы алғашқы егулермен перзентханада  қамтылды.   Денсаулық жағдайына байланысты  перзентханада уақытша  медициналық шегіністер алған 35 бала ВГВ-ге қарсы  егулерін тұрғылықты мекен жайына сәйкес  жергілікті емханаларда алды. 
Облыс бойынша құрөзек, сіріспе, полиомиелит, көкжөтел, пневмококқа және ВГВ – ға қарсы 1 жасқа дейінгі 12642 бала  егіліп, облыс бойынша  қамту көрсеткіші  71,5  пайызды (оптималдық деңгей 71,2-74,9) құрады.2 жасқа дейінгі балалардың құрөзек, сіріспе, көкжөтел және гемофильді инфекуцияға  қарсы қайта егу көрсеткіші облыс бойынша вакцинаның тапшылығының салдарынан және егу аралық интервалды сақтау мақсатында қамту көрсеткіші 26,6 пайызда жүргізілген. 
Балалардың 1 жасында жүргізілетін алдын ала екпелердің ішінде, атап айтқанда қызылша, қызамық, эпидпаротит ауруларына қарсы алғашқы егу жалпы облыс бойынша  72,0  пайызда, пневмококк инфекциясына қарсы -70,1  пайызда қамтылса, полиомиелит ауруына қарсы ОПВ вакцинасының  жоқтығы салдарынан облыс бойынша мақсатты топтағы 17124 баланың 61,2 пайызы немесе 10475 баласы егілді. 
Құрөзек ауруына қарсы қайта егулерді өз деңгейінде жүргізу мақсатында облыстық денсаулық сақтау басқармасымен бірлескен бұйрық шығарылып, ағымды жылдың 1 жартыжылдығында 16 жастағы жасөспірімдер мен ересектерді толығымен қамтуға тапсырма берілді. Бүгінгі таңда АДСМ анатоксинімен  16 жастағы жасөспірімдердің -76 пайызы, жоспарланған ересектердің 85 пайызы қайта егулермен  қамтылды.  
Облыс бойынша егуден кейінгі асқыну жағдайлары тіркелген жоқ.
Медициналық қызметкерлерді дайындау мақсатында облыс көлемінде 24 семинарлық сабақ өткізіліп, 325 дәрігер,1058  орта буынды медқызметкер оқытылды, оның іщінде  3 медқызметкер  қайта даярлауға  жолданды. Халық арасында  иммунизациялау жұмыстары төңірегінде туындаған сұрақтарға жауап беру мақсатында «қауырт желіні» ұйымдастырып,  аудандарда 7, Қызылорда қаласы көлемінде 10 (әр емханада, ОДСБ, ОҚДСД)  медициналық ұйымның бір телефоны  белгіленіп, жергілікті емханаларда жарияланды.   Халық арасында иммундау жұмысының тиімділігін насихаттау мақсанда санитарлық ағарту жұмыстары кеңінен жүргізілді, жергілікті басылымдарға 17 мақала жарияланды, жергілікті телеканалда 6 сұхбат, 27 радиолекция өткізілді, сонымен қатар 6390 әңгімелесулер ұйымдастырылды. 
Облыс бойынша жұқпалы ауруларға қарсы жоспарлы  алдын ала егулерден бас тартқандар саны 01.10.2018 жылға 80 құрады,  оның басым көшілігі немесе 34 пайызы 1 жасқа дейінгі балалардың үлесінде. Бастартқан екпелердің ішінде ең көбі  АбКДС+ВГВ+ИПВ, БЦЖ  және пневкоккке қарсы екпелер. Бастартудың себептерінде  басым көпшілігі вакциналарға  жеке пікір мен діни бағытындағы көзғараспен байланыстыруда.  

 


Облыс бойынша 2017 жыл қорытындысымен  
Облыс бойынша  2017 жылы 17744 бала дүниеге келіп, оның 98,4 пайызы немесе 17468 баласы ВГВ ауруына қарсы алғашқы егуімен перзентханада  қамтылды. Денсаулық жағдайына байланысты уақытша медициналық шегіністер алған  63  бала тұрғылықты мекен жайына сәйкес жергілікті емханаларда егілді.
Құрөзек, сірісіпе, көкжөтел, гемофильді инфекция, ВГВ және полиомиелит ауруларына қарсы аяқталған вакцинациямен  есепті мерзімде облыс бойынша  19361 бала егілген, оның ішінде жасына сәйкес 18760 бала егіліп, 1 жасқа дейінгі мақсатты топтағы балаға шаққанда қамту көрсеткіші 110,2 пайызды құрады.  
ҚР Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасының аясында 2012 жылдан бері Қызылорда облысында пневмококке қарсы алдын ала егу шаралары жүргізіліп келеді. Есепті мерзімде пневмо 1 егумен  мақсатты топтағы балаға шаққанда 99,9 пайызда қамтылса, 2 дүркін егуі 97,3 пайызда, 3 егумен 16764 бала егіліп, 97,6 пайызда орындалды. 
Құрөзек ауруына қарсы алдын ала егу шараларын жақсарту мақсатында  облыстық денсаулық сақтау басқармасымен  бірігіп, 23.02.2017ж  «Жұқпалы ауруларға қарсы  алдын ала егу шараларының сапасын арттыру туралы№ 124-ө/320-б/б бірлескен бұйрыққа сәйкес, тиісті алдын ала егу шараларын жүргізуге тапсырмалар берілді. Құрөзек ауруына қарсы қайта егулермен  тиісті жастағы азаматтар  толығымен қамтылды. Атап айтқанда, АДСМ анатоксинімен 16 жастағы жас өспірімдердің қамту пайызы -103,7 құрады, 2017 жылға  жоспарланған 30736 ересектің 30491 немесе 97,2 пайызы қайта егулермен қамтылды.  
Облыс бойынша егуден кейінгі асқыну жағдайлары тіркелген жоқ.

Облыс бойынша 2017 жылдың  I жартыжылдық  қорытындысымен      Облыс бойынша  2017 жылы  6 айында 8811 бала  дүниеге келіп, оның 98,2 пайызы немесе   ВГВ ауруына қарсы,   97,7 пайызы туберкулезге қарсы  алғашқы егулермен перзентханада  қамтылды. Балалардың 1 жасында жүргізілетін алдын ала екпелердің ішінде, атап айтқанда қызылша, қызамық, эпидпаротит ауруларына қарсы алғашқы егу жалпы облыс бойынша  48,3  пайыз. Мақсатты топтағы   дифтерия, сіреспе, полиомиелит, көкжөтел, гемофилді инфекция, пневмококк  29,9  % құрады.  Ревакцинацией против дифтерии в целом пол области ревакцинировано более 13 тыс. населения, где  19,2 % составили подростки в возрасте 16 лет,  где процент охвата достиг  95,5% . Құрөзек ауруына қарсы қайта егулерді  облыста 13 мың тұрғын жоспарланып,   нәтижесінде  АДСМ анатоксинімен  16 жастағы жасөспірімдердің -95,5 пайызы   егулермен  қамтылды. Облыс бойынша егуден кейінгі асқыну жағдайлары тіркелген жоқ.


Облыс бойынша 2017 жылдың 1 тоқсан  қорытындысымен 3135 бала дүниеге келген, оның 98,1 пайызы вирусты гепатит В ауруына қарсы егілсе, туберкулезге қарсы алдын ала егумен 96,9 пайызы егілген. Құрөзек, сіріспе, полиомиелит, көкжөтел, пневмококқа және ВГВ – ға қарсы егулермен 1 жасқа дейінгі 4241 бала егіліп, мақсатты топтағы балаға шаққанда 24,4 % құрады. Баланың бір жасында  жүргізілетін қызылшаға, қызамыққа эпидпаратитке қарсы 2693 бала егіліп, 15,5 пайызда орындалған. Полиомиелит ауруына қарсы вакцинаның  тапшылығына байланысты төршінші егуі 2,1 пайызда қамтылған.
Пневмококке қарсы үшінші турымен 2571 бала егіліп, мақсатты топтағы баланың 14,8 пайызын қамтыды.  Құрөзек ауруына қарсы қайта егумен жалпы облыс бойынша  13355 азамат егілсе, оның 19,2 пайызын 16 жастағы жасөспірімдер құраған. Егілуге тиісті жасөспірімдердің 46,3 пайызын қамтыды. Жоспарға алынған ересектердің 55,6 пайызы бүгінгі таңда егілуде. Облыс бойынша егуден кейінгі асқыну жағдайлары тіркелген жоқ.

Облыс бойынша 2016 жыл қорытындысымен 18076 бала дүниеге келген, оның 97,8 пайызы вирусты гепатит В ауруына қарсы егілсе, туберкулезге қарсы алдын ала егумен 97,2 пайызы егілген. Құрөзек, сіріспе, полиомиелит, көкжөтел, пневмококқа және ВГВ – ға қарсы егулермен 1 жасқа дейінгі 10947 бала егіліп, мақсатты топтағы балаға шаққанда 63,2 % құрады. Баланың бір жасында жүргізілетін қызылшаға, қызамыққа эпидпаратитке қарсы 17513 бала егіліп, 99,3 пайызда орындалған. Полиомиелит ауруына қарсы төршінші егуімен 19733 бала қамтылып 105,8 пайызды құраса, пневмококке қарсы үшінші турымен 17218 бала егілген (қамту көрсеткіші 97,4пайыз). Құрөзек ауруына қарсы қайта егумен жалпы облыс бойынша 41783 азамат егілсе, оның 25,0 пайызын 16 жастағы жасөспірімдер құрап, 103,6 пайызда орындалса, жоспарға алынған ересектердің 97,5 пайызы бүгінгі таңда егілуде. Облыс бойынша алдын ала екпелермен қамту көрсеткіші оптималдық деңгейде. Егуден кейінгі асқыну жағдайлары тіркелген жоқ.


Облыс бойынша 2015 жылы  17948  бала дүниеге келген,  оның 97,6  пайызы вирусты гепатит В ауруына қарсы егілсе, туберкулезге қарсы алдын ала егумен 96,9  пайызы  егілген. Құрөзек, сіріспе, полиомиелит, көкжөтел, пневмококқа және ВГВ – ға қарсы егулермен 1 жасқа дейінгі 17473бала егіліп, мақсатты топтағы бала 98,1% қамтылды. Бір мезгілде жүргізілетін 1 жастағы егулермен қызылшаға, қызамыққа эпидпаратитке, полимиелитке, пневмококқа қарсы 15772  бала егіліп, 90,8% құрады. Құрөзек ауруына қарсы қайта егумен жалпы облыс бойынша 11091 жасөспірім, 31867 ересек адам қамтылды. Облыс бойынша алдын ала екпелермен қамту көрсеткіші оптималдық деңгейде. Егуден кейінгі асқыну жағдайлары тіркелген жоқ.


Вакцинациялау арқылы балаларымызды пневмококк  инфекциясынан қорғайық!

Екпенің не екенін қазіргі ата-аналардың барлығы дерлік біледі, алайда, екпе жасатпас бұрын, олардың көбінде күмән туа бастайтыны жасырын емес. Вакцинациялау – бұл балалар мен бүкіл халықты полиомиелит, қызылша, дифтерия, сіреспе, көкжөтел, туберкулездің ауыр түрлері, «В» гепатиті, қызамық, туа біткен қызамық белгілері, эпидемиялық паротит, пневмококк, «гемофильді» инфекция және т.б. сияқты бірқатар инфекциялардан қорғаудың ең сенімді әдісі.

Екпе жасату арқылы ауруға шалдығу және өлім-жітім санын азайтуға болады, ал кейбіреуін мүлдем жоюға болады (нағыз шешек, полиомиелит). Әрбір адамның айналасында көптеген алуан түрлі ауру тудырғыш микробтар болады. Бірақ адам ағзасы қорғана алады. Микробтар зақымдалмаған тері, жоғарғы тыныс алу жолдарының шырышты қабықшасы арқылы өте алмайды. Олар асқазанда асқазан сөлінің әсерімен жойылады, бұл микробтардың басқа мүшелерге еніп кетуіне бөгет болады. Егер микроб ағзаға түсіп кеткен болса, ішкі қорғаныс күштері, яғни микробқа қарсы антиденелерді бөлетін иммундық жүйе іске кіріседі. Инфекциялық аурумен ауырған адам осы инфекцияны қайта жұқтыруға бейім болмайды.
Қазіргі уақытта пневмококктар балалар арасындағы инфекциялық аурулардың басты себептерінің бірі болып табылады. Пневмококк инфекциясы – бұл пневмококк  бактериясы тудыратын инфекциялық аурулар. Пневмококктар пневмония (өкпенің қабынуы), сепсис (қанның жұқпалануы), менингит (ми қабығының қабынуы), отиттер (ортаңғы құлақтың қабынуы) тудыруы мүмкін.
2012 жылғы мамыр айының 1-нен бастап 2 жасқа дейінгі балалар арасында пневмококк инфекциясына қарсы иммундауды еңгізу шаралары іске асырылады.
Пневмококк вакциналары инвазивті пневмококк инфекциясынан (сепсистен, бактериемиядан, менингиттен), вакцинаның құрамына енгізілген пневмококк серотиптері тудыратын пневмониядан және жіті ортаңғы отиттен қорғауды қамтамасыз етеді.
«Саламатты Қазақстан» Мемлекеттік бағдарламасына сәйкес пневмококк инфекциясына қарсы вакцинация кезең-кезеңімен басталады. 2010 жылдың 1 желтоқсанынан бастап вакцинация пневмониямен сырқаттану деңгейі жоғары Шығыс Қазақстан және Маңғыстау облыстарында басталды; 2015 жылға вакцинация барлық республика бойынша жүргізілетін болады.
Балалардағы пневмококк тудыратын аурулардың басты симптомдарына тоқталар болсам:1.) Пневмококк пневмониясы (өкпенің қабынуы): қызба, жөтел, ентігу (тыныс алудың қиындауы), кеуденің ауыруы, жалпы әлсіздік. 2.) Пневмококк менингиті (мидың қатты қабығының қабынуы): желке бұлшықеттерінің ширығуы (басты алдыға ию мүмкін емес, бас өздігінен артқа шалқаяды), қызба (дене қызуының 38˚С дейін және одан жоғары көтерілуі), ақыл-ойдың жаңылуы, жарықтан қорқу – жарыққа сезімталдықтың жоғары болуы. 3.) Пневмококк бактериемиясы (қанның жұқпалануы): симптомдары пневмония мен менингиттің симптомдарымен сәйкес келуі мүмкін; міндетті түрде 39˚С дейін және одан жоғары қызбаның болуы. Сондай-ақ буындардың ауыруы, қалтырауы мүмкін. Талаураған белгілер (тұмау, тамақтың ауыруы, конъюнктивит) болмауы мүмкін. Іштің ауыруы, лоқсу, құсу, іштің жүруі (диарея), артериялық қысымның төмендеуі сепсистік шоктың дамуын көрсетеді. 4.) Жіті ортаңғы отит: баланың мазасыздануы, тамақтан бас тартуы – емшекті немесе емізікті сора алмайды, басын кенеттен жұлқиды, басын шайқайды, жылайды; дене қызуы көтеріледі (38˚С дейін және одан жоғары), құлақтарын «қышиды». Құлақ бүртігін басқанда жылайды, құлақтан сұйықтық немесе ірің ағады (дабыл жарғағы жарылғанда іріңді отит кезінде).
Вакцинациялау схемасы: Бекітілген егулер кестесіне сәйкес – 2 айында, 4 айында, 12-15 айларында. Пневмококк инфекциясына қарсы вакцина бұлшықет ішіне салынады. Пневмококк вакцинасы қауіпсіз, тиімді. Вакцинаны шығару Дүниежүзілік денсаулық сақтау ұйымымен сертификатталған. Пневмококк инфекциясына қарсы балаларды вакцинациялау әлемнің 42 елінде жүргізіледі (АҚШ, Бельгия, Англия, Франция, Германия және басқа да дамыған елдер).
Пневмококк инфекциясына қарсы вакцинациялауға қарсы айғақтар: пневмококк инфекциясын алдыңғы енгізуге жоғары сезімталдық; қосалқы заттарға немесе дифтерия анатоксиніне жоғары сезімталдық; жіті инфекциялық және инфекциялық емес аурулар, созылмалы аурулардың асқынған кезі (вакцинация сауыққаннан кейін немесе ремиссия кезінде жүргізіледі). Егулер Пневмококк вакцинасын туберкулезге қарсы вакцинаны (БЦЖ) қоспағанда, ұлттық егулер күнтізбесінің басқа да вакциналарымен бір мезетте енгізуге болады.
Құрметті ата-аналар!Осы мақаланы оқып, Сіз пневмококк инфекциясынан қандай аурулар туындайтының және олардың алдын алуға болатындығын түсінген шығарсыз деген сенімдеміз. Балаңыздың денсаулығы - Сіздің қолыңызда. Балаңызға екпені уақытында алуға және өз елінің дені сау азамты болып өсуіне көмектесіңіз. 
Құрылған күні: 21-10-2012 23:31
Жаңартылған күні: 19-10-2018 18:48

Error message

  • Notice: Use of undefined constant php - assumed 'php' in eval() (line 48 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 61 of /var/www/modules/php/php.module(80) : eval()'d code).
Аймақ
Анықтама
Билік
Құқық
Табиғат
Экономика
Бизнес
Мем қызметтер
Қоғам
Инфрақұрылым

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика