Жаңалықтар

ҚЫЗЫЛОРДА ОБЛЫСЫ: АЛАЯҚТЫҚ ҚЫЛМЫСТАРДЫҢ 80 % АШЫЛҒАН
19/09/2019 - 17:25
Аймақ басшысы Қуанышбек Ысқақовтың төрағалығымен Қызылорда облысы әкімдігі жанындағы құқықбұзушылық профилактикасы жөніндегі ведомствоаралық комиссия отырысы өтті. Күн тәртібінде облыс көлемінде алаяқтық қылмысының алдын алу шаралары, Қазақстан Республикасының құқықбұзушылық профилактикасының 2017-2019 жылдарға арналған кешенді жоспарының орындалуы және құқықбұзушылық профилактикасы жөніндегі  2020-2022 жылдарға арналған кешенді жоспардың жобасы мәселелері қаралды.
Облыс көлемінде алаяқтық қылмысының алдын алу шаралары туралы Қызылорда облысының полиция департаменті бастығының орынбасары С.Х.Шалхаров баяндады.
«2019 жылдың 8 айында Қызылорда облысы бойынша 568 алаяқтық қылмыстары тіркелген. Полиция органдары қызметкерлерімен жүргізілген жедел-іздестіру шаралары нәтижесінде аталған қылмыстың 80 пайызы немесе 322 ашылып, қылмыскерлерге қатысты тиісті шаралар қолданылды. Ағымдағы жылдың 8 айында алаяқтық жасағаны үшін 195 адам ұсталып, 101 қатысты қылмыстық іс айыптау қорытындысымен сотқа жолданса, 94 қатысты екі жақтың ымыраласуына байланысты қылмыстық іс қысқартылған»,-деді С.Шалхаров.
Тіркелген алаяқтық қылмыстары: қарызға ақша алып қайтармағандар - 61, несие алуға көмектесемін дегендер - 28, кезексіз жер алып беремін дегендер - 4, кезектен тыс пәтер алып беремін - 60, интернет желісі немесе ұялы телефон арқылы сенімге кіріп, есеп шотына ақша салдырғандар саны -139. Осы қылмыстарды жасаған күдіктілердің 133-әйел, 62-ер азаматтар.
Алаяқтық қылмысының ашылмай қалуының бірнеше себептері: бірінші, жәбірленушілердің кеш арыздануы. Ағымдағы жылдың 8 айында алаяқтық қылмысы бойынша 241 азамат құзырлы органдарға кеш арызданған. Яғни, 1 жылдан аса уақытта - 68, 3 жылдан аса уақытта - 35, 5 жылдан кейін - 10. 
Екіншіден, әлеуметтік желі арқылы берілген жарнамадағы затқа алдын ала төлем  жасауды немесе ұялы телефон арқылы басқа қалада жүрген баласын немесе бауырын қылмыстық жауапкершіліктен босату үшін деп ақша сұрағандарға алданып, бейтаныс адамның шотына ақша аударады (Киви кошелек, ОЛХ жарнамасы және т.б.).
Үшіншіден, кәсіпкерлердің, жеке тұлғалардың арасында екі жақпен жасалған келісімшарттың негізінде сатылған заттың қаражаты уақытылы қайтарылмай, құзырлы органдарға алаяқтық жайында арызданады. 
Қазақстан Республикасының құқықбұзушылық профилактикасының 2017-2019 жылдарға арналған кешенді жоспарының орындалуы туралы облыс әкімі аппараты басшысының орынбасары С.Е. Шотаев баяндады.
«Қазақстан Республикасының Үкіметі жанындағы Құқықбұзушылық профилактикасы жөніндегі ведомствоаралық комиссияның 27.04.2017 ж. № 23-6/07-575 хаттамасының 2.1-тармағына сәйкес «ҚР құқықбұзушылық профилактикасының 2017-2019 жылдарға арналған кешенді жоспарының» негізінде, жоспардың іске асырылуын қамтамасыз ету үшін осыған ұқсас Қызылорда облысындағы құқық бұзушылықтар профилактикасының 2017 - 2019 жылдарға арналған кешенді жоспары Қызылорда облысы әкімінің 12.06.2017 ж. № 13-11/3740 құжатымен бекітілді. Қызылорда облысы әкімінің аппаратымен кешенді жоспардың орындалуы бақылауға алынған және оған тұрақты мониторинг жүргізілуде»,-деді С.Шотаев.
Құқықбұзушылық профилактикасы жөніндегі 2020-2022 жылдарға арналған кешенді жоспардың жобасы туралы Қызылорда облысының полиция департаменті бастығының бірінші орынбасары Ш.Е.Амитов баяндады.
ҚР Президентінің № 27 Жарлығымен бекітілген «Қазақстан Республикасы Президентінің «Игілік баршаға! Сабақтастық. Әділдік. Өрлеу» сайлауалды бағдарламасын және «Бірге» жалпыұлттық акциясы барысында алынған ұсыныстарды іске асыру жөніндегі іс-қимыл жоспарының 8-тармағына және ҚР Үкіметі жанындағы құқықбұзушылық профилактикасы жөніндегі ведомствоаралық комиссия отырысының 01.08.2019 ж. № 23-3/07-760 хаттамасына сәйкес «Құқықбұзушылық профилактикасы жөніндегі  2020-2022 жылдарға арналған кешенді жоспардың жобасы» әзірленген.
Кешенді жоспарды әзірлеу және іске асыру қажеттілігі құқықбұзушылықтың алдын алу, мүлдем төзбеушілік қағидатын қалыптастыру, бұлтартпау шарасына кешенді және жүйелі түрде келу бағытында туындаған.
ОБЛЫС ӘКІМІ ЖЕРГІЛІКТІ КӘСІПКЕРЛЕРМЕН КЕЗДЕСТІ
19/09/2019 - 10:36
Өңірде жаңа тұрақты жұмыс орындарын құру, салық базасын ұлғайту және қоғамдық-саяси ахуалды тұрақтандыру мақсатында «Жаппай кәсіпкерлікті дамыту» жобасы екінші жыл қатарынан жүзеге асырылуда. 
Бүгін аймақ басшысы Қуанышбек Ысқақов Өңірлік кәсіпкерлер кеңесінің мүшелерімен кездесіп, облыстағы аталмыш саланың дамуына қатысты мәселелерді талқылады.
«Мемлекет басшысының тапсырмасына сәйкес 2020 жылдан бастап микро және шағын бизнес салық төлеуден босатылып, оларға тексеру жүргізуге мораторий жарияланатын болады. Бұл өзгерістердің түпкілікті түйіні мемлекеттің бизнесті дамыту үшін барынша қолайлы жағдай жасаудағы стратегиялық бағытына сәйкес келеді. Біздің мақсатымыз өңірде бизнесті табысты жүргізу үшін әкімшілік кедергілерді болдырмау және қолайлы жағдайлар жасау болып табылады»,-деді аймақ басшысы. 
Өңір басшысы бизнес өкілдерінің ұсыныстарын тыңдап, ой-пікір алмасты. Сондай-ақ, барлық бизнес-идеяларды қолдауға әзір екенін айтып, кәсіпкерлік саласын дамыту бағытында бірлескен жұмыстарды атқаруға шақырды.
Өз кезегінде, кәсіпкерлер туған жерлерінің өсіп-өркендеуі мен Сыр елінің республикада озық болуы үшін айналысып жүрген кәсіптері бойынша үнемі ізденісте болып, аянбай  қызмет ететіндерін жеткізді. 
Сонымен қатар, өздерін толғандырып жүрген ойларымен бөлісіп, сол бағытта бірлесуге әзір екендіктерін айтты.
«Біз үшін жұмыс істейтін әрбір кәсіпкер маңызды және оларға біз жұмысты жүргізу үшін ең жақсы жағдайларды жасауға тырысамыз»,-деп қорытындылады Қ.Ысқақов.
 
"КЕДЕРГІСІЗ КЕЛЕШЕК" ЖОБАСЫ АЯСЫНДА ОБЛЫС ӘКІМІ МҮМКІНДІГІ ШЕКТЕУЛІ АЗАМАТТАРМЕН КЕЗДЕСТІ
19/09/2019 - 09:39
«Nur Otan» партиясының «Кедергісіз келешек» жобасы аясында партияның облыстық филиалы төрағасы, облыс әкімі Қуанышбек Ысқақов өңірдегі мүмкіндігі шектеулі жандармен кездесіп, олардың ұсыныс пікірлерін тыңдады. Кездесу барысында аймақ басшысы жүзеге асырылып жатқан жұмыстар туралы айтты.
Мемлекет басшысы Қасым-Жомарт Кемелұлы Тоқаев Қазақстан халқына арнаған Жолдауында «Мүмкіндігі шектеулі адамдарға, оның ішінде мүгедек балалар тәрбиелеп отырған отбасыларға ерекше назар аударуды, олар үшін тең мүмкіндіктер жасауды тапсырған болатын. Бұл бағытта Сыр өңірінде ауқымды жұмыстар атқарылуда. Кездесу барысында аймақ басшысы бұл жұмыстарды  егжей-тегжейлі айтып өтті. 
«Облыста 30 мыңға жуық мүмкіндігі шектеулі жандар бар. Олардың өмір сүру деңгейін  жақсарту үшін 2013 жылдан бастап әр екі жыл сайын арнайы жол картасы бекітіледі. Соңғы алты жыл ішінде осы жол картасын жүзеге асыру үшін әлеуметтік төлемдерді есептегенде бюджеттен 23 млрд. теңгеден астам қаржы жұмсалды. Биыл осы мақсатқа  937 млн.теңге бөлініп отыр. Бұл өткен жылмен салыстырғанда 1,7 есеге арттық. Әлеуметтік оңалту шараларын орындауда біз соңғы 3-4 жыл көлемінде республика бойынша бірінші орында келеміз. Үстіміздегі жылы аймақта оңалту шаралары 80 пайызға орындалып, республика бойынша  орташа есеппен 57 пайызды құрап отыр. Бұл жылдан жылға көбеймесе, азаймайды»,- деді аймақ басшысы.
Кездесуде мүмкіндігі шектеулі азаматтар тарапынан мүгедектікті, жәрдемақыны тағайындау, тегін дәрі-дәрмектер алу, өзге өңірлерге барып ем қабылдау үшін квота бөлу, жолда жүру жеңілдіктері, сондай-ақ,  ғимараттарға, оның ішінде жаңадан салынатын ғимараттар мен тұрғын-үйлерде мүмкіндігі шектеулі азаматтар үшін кедергісіз орта қалыптастыру секілді мәселелер көтеріліп, сұрақтарына жауаптарын алды.
«Ерекше қажеттілігі бар жандардың жүріп тұруына көптеген кедергілер бар екенін жақсы білемін.Барлық проблемаларды бір күнде шешіп тастау мүмкін емес. Әліде шешімін таппаған мәселелер бар. Солардың бірі әлеуметтік нысандардың қолжетімділігі. Дегенмен қала инфрақұрылымы ол үшін әлі де толық бейімделмеген. Осы мақсатта «Nur Otan» партиясымен қабылданған «Кедергісіз келешек» жобасы аясында тиянақты жұмыстар қолға алынды. Барлығы қарыжыға келіп тірелгендіктен олар кезең –кезеңімен шешілетін болады»,- деді Қ.Ысқақов. 
Жиында көтерілген өзекті мәселенің бірі - инватакси қызметі. Қазіргі таңда кресло мүмкіндігі шектеулі жандарды тасымалдау үшін инватакси қызметін алушылар саны жылдан жылға көбейіп отыр. Соның салдарынан бөлінген қаржы көлемі де жетіспейді. Бұл орайда облыс әкімі тиісті басқарма басшыларына тапсырмалар берді. Және кездесуге келген азаматтарға өзінің ризашылығын білдіріп, осы жерде айтылған ұсыныс пікірлердің барлығы 2025 жылға дейінгі мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі жаңа Ұлттық жоспардың аясындағы жол картасында ескерілетіндігін атап өтті. 
ҚЫЗЫЛОРДАДА ОБЛЫСТЫҚ АССАМБЛЕЯНЫҢ ХХІІ СЕССИЯСЫ ӨТТІ
18/09/2019 - 14:31
Қызылордадағы «Достық үйінде» облыстық ассамблеяның ХХІІ сессиясы өтті. Оған өңір басшысы Қуанышбек Ысқақов қатысты.
Онда Қазақстан халқы облыстық ассамблея хатшылығының атқарған жұмыстары мен алдағы жоспары, сондай-ақ, аймақтың әлеуметтік-экономикалық дамуы туралы айтылды.
Сәуір айында Тұңғыш Президент – Елбасы, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалығымен «Татулық пен келісім формуласы: бірлік және жаңғыру» күн тәртібімен Қазақстан халқы Ассамблеясының XXVIІ сессиясы өткен еді.
«Сессия жұмысы барысында Елбасы «Құбылмалы әлемде бір ғана мәңгі әрі кешенді құндылық бар. Ол – қоғамның бірлігі мен ұлтаралық келісім» екенін айтты. Сондай-ақ, Қазақстан қоғамындағы тұрақтылықты сақтау үшін барлық тетіктердің қалыпты әрі тиімді жұмысын қамтамасыз етуді тапсырған болатын. Қазіргі таңда Сыр өңірінде Елбасының тапсырмалары жүзеге асып, толымды істер атқарылып жатыр», - деді аймақ басшысы Қ.Ысқақов сесияның ашылу салтанатында.
Естеріңізге салайық, «Қызылорда облысын әлеуметтік-экономикалық дамытудың 2019-2022 жылдарға арналған кешенді жоспары» ағымдағы жылдың 28 мамыр күні Үкімет мәжілісіне ұсынылып, жан-жақты талқыланып, бекітілді.
Кешенді жоспардың негізгі бағыттары өнеркәсіп, «Байқоңыр» кешенінде арнайы экономикалық аймақ құру, агроөнеркәсіптік кешен, кәсіпкерлікті дамыту, тұрғын үй-коммуналдық шаруашылығы, экология, су шаруашылығының ахуалы, әлеуметтік сала мен Қызылорда қаласының бас жоспарын қамтиды.
«Кешенді жоспарды іске асыру нәтижесінде жалпы өңірлік өнім көлемі 2 трлн 62 млрд теңгеге дейін ұлғайтылатын болады. Сонымен бірге, алдымызда Мемлекет басшысының айқындап берген ел қажетіне бағытталған, ел мүддесіне қызмет ететін 10 тармақтан тұратын межелі міндет бар», - деп атап өтті облыс әкімі.
Экономикаға тартылған инвестиция, құрылыс, тұрғын үйді пайдалануға беру көлемі бойынша және ауыл шаруашылығында да өсім қамтамасыз етілді. Облыстың экономикалық дамуындағы өсімге қол жеткізу үшін аймақ экономикасын индустрияландыру арқылы әртараптандыру стратегиясы жүзеге асырылуда.
Осы ретте «қарапайым заттар экономикасы» бағдарламасы аясында жалпы құны 12,6 млрд. теңге болатын 124 жобаны жүзеге асыру бойынша жұмыстар атқарылып жатқанын атап өткен жөн.
Сондай-ақ, Сыр өңірінде 2018 жылы жаппай кәсіпкерлікті дамытудың үшжылдығы жарияланды. Осылайша, шағын және орта бизнесті дамыту қолға алынды.
Тек, соңғы алты жылда тұрғын үйді пайдалануға беру көлемі 2,5 есеге артып отыр. Осы уақыт аралығында Қызылорда қаласының өзінде жаңа 10 мөлтек аудан, 5 тұрғын үй кешені, 361 тұрғын үй пайдалануға беріліп, 8 мыңға жуық адам баспаналы болды.
Оның ішінде, «Баламекен» жобасы шеңберінде «Болат Өтемұратов Қоры» есебінен ағымдағы жылы 100 үй пайдалануға берілді. Бұл жұмыстарға қор есебінен 450 млн.теңге бөлінді.
Сонымен қатар, Сырдарияның сол жағалауында сәулеті мен дәулеті келіскен жаңа қала бой түзеп келеді.
Қазақстан халқы ассамблеясы бүгін де Қоғамдық келісім мен ұлттық бірліктің ұйытқысына айналды. Ассамблея құрылған күнінен бастап 24 жылдан астам уақыт бойы тарих, мәдениет және тіл ортақтығын дамытуда қызмет етіп келеді.
Облыстық Қазақстан халқы ассамблеясының бастамасымен әртүрлі форматтағы 96 іс-шара өткізілген. Мәселен, ассамблеяның бастамасымен өңірде «Қазақтану» республикалық мәдени-ағартушылық жобасы ұйымдастырылды. Айта кету керек, бұл жоба Қызылорда облысынан бастау алды.
Сондай-ақ, ассамблеясының қолдауымен Байқоңыр қаласы әкімшілігінің ұйымдастыруымен «Халықтар достығы» ұлттық мәдени фестивалі өтті.
Қазақстан халқы облыстық ассамблея хатшылығы өз қызметін бірнеше бағытта жүзеге асыруда. Атап айтқанда, облыстық этномәдени және аудандық этно бірлестіктер, қоғамдық келісім және аналар кеңестері, жастар қанаты және ассамблея жанындағы депутаттық топ, «Қазақстан халқы Ассамблеясы» кафедрасы және ғылыми-сараптамалық топ, қайырымдылық, медиация.
Қызылорда облысында XXI сессияда берілген тапсырмаларға сәйкес аудан орталықтарында меценаттарды тарту бойынша жұмыстар жүргізілуде. Жыл басынан бері меценаттардың қолдауымен 798 қайырымдылық іс-шара ұйымдастырылып, 24 794 адамға 270 млн.809 мың теңгеге көмек көрсетілді.
Өңірде облыстық, 2 қалалық, 7 аудандық және 155 кенттік және ауылдық қоғамдық келісім кеңесі жұмыс істейді. Олар ассамблея отырыстарында жергілікті халықты толғандыратын өзекті мәселелерді қарастыра отырып, қоғамдық бақылау қызметтерін орындайды.
«Облыстық Қазақстан халқы ассамблеясының хатшылығы мен облыс әкімі аппаратының «Қоғамдық келісім» коммуналдық мемлекеттік мекемесі этномәдени бірлестіктерге ұйымдастырушылық және әдістемелік көмек көрсетіп, тұрақты қолдау көрсетуі қажет. Өз тарапынан облыс әкімдігі облыстық Қазақстан халқы ассамблеясының, Достық үйінің материалдық-техникалық базасын нығайтуға, қоғамда бейбітшілік пен келісімді қамтамасыз етуге бағытталған іс-шаралар мен жобаларды өткізуге қаржы бөлуге тиісті қолдау көрсететін болады. Сондай-ақ, 2020 жылы Қазақстан халқы ассамблеясы өзінің 25 жылдығын атап өтеді. Осы мерейтойға орай аймақтың басты сыйлығы игі істеріміз бен жетістіктеріміз болуы керек», - деді аймақ басшысы Қуанышбек Ысқақов.
Сессия барысында облыс әкімі аппараты жанындағы «Қоғамдық келісім» КММ директорының орынбасары Асылбек Теңелұлын 70 жас мерейтойына орай аймақ басшысы құттықтап, «Құрмет грамотасын» табыстады. Сонымен қатар, этномәдени бірлестіктердің және облыстық ассамблея жанындағы «Жаңғыру жолы» жастар қозғалысының белсенділері облыс әкімінің Алғыс хатымен марапатталды.
Облыстық ассамблеяның ХХІІ сессиясының қорытындысымен облыс әкімі өңірлік «Рухани жаңғыру» орталығы мен Қорқыт Ата атындағы Қызылорда мемлекеттік университеті облыстық Қазақстан халқы ассамблеясымен бірлесе отырып Қазақ мәдениетін, тарихын, философиясын, қазақ елінің құндылықтарын насихаттауға бағытталған «Қазақтану» мәдени-ағарту жобасын әрі қарай жалғастыруды, Қызылорда қаласы және аудан әкімдері этнобағыттағы қоғамдық бірлестіктер мен қоғамдық келісім кеңестерін қолдау мақсатында мемлекеттік әлеуметтік тапсырыс арқылы қаржыландыруды тапсырды.
  • Қазақстан-2050 сайтына өту
  • Қызылорда облысы әкімдігінің инфографика галереясы
  • Қызылорда облысы әкімдігінің бейнегалереясы
  • Қызылорда әкімдігінің фотогалереясы
  • Геопортал
  • БИЗНЕСТІ ҚОРҒАУ
  • 2020
  • МЕМЛЕКЕТТІК САТЫП АЛУ
  • ХҚО

Анықтамалық

Маңызды аңдатпалар

Хабарламалар

  • Мемлекеттік-жекешелік әріптестік тетігін іске асыру арқылы нарық субъектісін (мемлекеттік кәсіпорын) құру туралы мүддесін білдіруін сұрату Қазақстан Республикасының Ұлттық...

Құттықтау

Ержан Уайс Қызылорда облыстық тілдерді дамыту басқармасының басшысы,журналист (25 июня, 2014 - 09:38):
Астана құрылысының бас сәулетшісі бұл елбасы.Бастаманы көтеріп бас қаланы салдырған президент ретінде тарихта қалды. Соның арқасында елорданы қазірде әлем жұртшылығы таныды. Стамбул, Париж секілді ғасырлық тарихы болмаса да жас Астана жасампаздығын дәлелдеді. Білімнің де мәдениеттің де ордасына айналды бүгінде. Әлемдік дін басылардың сьезі өтті, ОБСЕ-нің 2010 жылы алқалы жиынын өтті. Маған тағдыр тәуелсіздіктің алғашқы жылдарында Түркияда бас консул қызметін атқаруды бұйыртты. Бақыттымын. Жасай бер жас қала Астана!

Талгат Асанов, директор ТОО "Истиат групп" (24 июня, 2014 - 18:38):
Дорогие казахстанцы, жители и гости столицы! Примите сердечные поздравления с Днём Астаны! Столица нашего государства - один из красивейших городов мира, воздвигнутый совместными усилиям всех наших соотечественников. От всей души желаем каждой казахстанской семье здоровья, мира и благополучия, и процветания Казахстану и его прекрасной столице – Астане!

Абзал ЕРАЛИЕВ, Герой Труда Казахстана (24 июня, 2014 - 17:28):
Как всем известно, начиная с 2006 года, ежегодно 6 июля отмечается День Столицы Астана - главного города республики Казахстан. Именно 6 июля 1994 года Верховным Советом было принято решение о переносе столицы Казахстана из Алма-Аты в Акмолу - город, который, впоследствии, был назван Астаной. 6 июля - это еще и день рождения первого президента республики - Нурсултана Назарбаева. День cтолицы Астана является официальным праздником государства, «являясь символом достижений Казахстана». Каждый год во время праздника столицы приурочивают открытие различных архитектурных памятников, комплексов, сооружений социального назначения, проведение культурных мероприятий. Так в 2007 году в качестве поздравления с Днем cтолицы состоялось открытие монумента, посвященному легендарному полководцу Казахстана Богенбай Батыру. Все мы в эти годы наблюдали, как хорошела и росла наша столица, как росли здания жилых домов и учреждений, как быстро обустраивался левый берег города. Видя все это, и в регионах старались заниматься строительством также быстро, качественно и красиво. Если бы пример Главы нашего государства по превращению Астаны в центр Евразии распространился на все регионы Казахстана, то уже сейчас бы многие наши города и села привлекали миллионы людей. Взять, к примеру, наш аул имени Наги Ильясова. Когда мы занимались его благоустройством, у меня всегда перед глазами стояла столица. Потому мы старались сделать все возможное, чтобы людям в ауле жилось не хуже, чем в Астане. И в первую очередь мы старались перенять опыт, советовались с населением, которое положительно восприняло наши идеи. А уже сейчас жители радуются всем переменам в ауле. Все наши действия позволили наладить социальную инфраструктуру, развивать предпринимательство, культуру и спорт, следить за благоустройством и озеленением населенного пункта. Сейчас народ воочию видит, какие преобразования происходят в ауле Наги Ильясова и в аульном округе Бесарык. И лестная оценка Нурсултана Назарбаева во время визита в аул Ильясова накладывает на нас еще больше ответственности. Наш опыт архитектурного оформления и благоустройства стал распространяться по всей республике. Одним словом, в своем развитии мы равняемся на столицу.

Кенжебек БЕРДИХОДШАЕВ, директор ТОО «Кызылорда-Техосмотр» (24 июня, 2014 - 17:27):
В том, что столица нашей страны Астана растет и хорошеет не по дням, а по часам, можно убедиться, не побывав здесь даже неделю. По делам своей работы я часто бываю здесь и убеждаюсь, что все по силам человеку – можно даже из захолустного городка сделать такой красивый город, что не стыдно перед различными иностранными делегациями и гостями. Совсем скоро казахстанцы отметят день рождения Астаны – столицы, которая стала не только главным городом Казахстана, а и центром Евразии. Конечно, главная заслуга такого кардинального преображения городапринадлежит Главе государства Нурсултану Назарбаеву, а поддержка народа Казахстана, несомненно, помогла создать столицу Казахстана в сердце Евразии такой, какой ее и задумывал он. Меня в первую очередь поразила смелость решения о переносе столицы – ведь предстоял огромный объем работы, причем в сжатые сроки. Далеко не в каждом государстве за столь короткие сроки можно сделать то, что удалось Казахстану. Несмотря на то, что живу в Кызылорде, я, как и миллионы казахстанцев люблю нашу новую столицу всем сердцем и душой. В честь дня рождения Астаны хочу высказать свои самые лучшие пожелания не только астанчанам, но и всем казахстанцам. Я хочу, чтобы наша страна всегда процветала, а Астана, уже являясь центром Азии, была всегда на передовых позициях в мире.

Бақберген Досмамбетов мемлекет және қоғам қайраткері, экономика ғылымдарының докторы (24 июня, 2014 - 11:15):
Әр елдің өз астанасы болады. Сол ел өз астанасына қарай бой түзейді. Қазақ тарихында берісі Орынбор,Қызылорда, Алматы, Астана еліміздің бас қаласы болса, әрісі тарихы терең Сыр өңірі бірнеше мәрте осы атауға ие болды. Оғыздардың резиденциясы Шірік Рабат, қыпшақтардың бас қаласы Жанкент,Сығанақ қалашықтары осы Сыр бойында болған. Ал, қазіргі Қазақстанның атын әлемге айшықтап тұрған ел ордасы Астана екені белгілі. Халықаралық форумдар, алқалы жиындар осында өтіп, елдің имиджі осы қала арқылы қалыптасып келеді.

Индира (18 июня, 2014 - 17:54):
Астана мерейің үстем болсын !!! Біз сенімен мақтанамыз!!!

Bahyt (18 июня, 2014 - 14:54):
Гульдене бер біздің Астана!!!

  • Қазақстан Республикасы Президентінің ресми сайты
  • Қазақстан 2050 стратегиясы
  • «Байқоңыр» ӘКК» ҰК» АҚ
  • тарифтер
  • "Даму" кәсіпкерлікті дамыту қоры
  • Болашаққа бағдар: рухани жаңғыру
  • АШЫҚ ҮКІМЕТ
  • Нұр Отан
  • Қазақстан Республикасы Сыртқы істер министрлігі
  • "KAZAKH INVEST" NATIONAL COMPANY
  • Қазақстанның Мобильдік Үкіметі
  • Қазақстандағы 100 жаңа есім
  • Мемлекеттік сатып алулар
  • Қаржы орталығы
  • Ластағыштардың шығарындылары мен тасымалдарының мемлекеттік тіркелімі
  • Қазақстан Республикасы нормативтік құқықтық актілерінің деректер базасы
  • Baikonur Invest
  • Жұмыс порталы
  • Ашық НҚА
  • Қазақстан Республикасынiң Үкiметi
  • Тұрғын үй құрылыс жинақ банкі
  • Тіл әлемі
  • Қазақстан Республикасының Парламенті
  • Atau.kz ономастикалық электрондық базасы
  • Termincom.kz
  • EMLE.KZ
  • ҚР Әділет Министрлігі
  • QUJAT.KZ
  • EXPO 2017
  • Ақпараттық сервис
  • TilMedia
  • el.kz әлеуметтік желісі
  • Қазақстан Республикасының Электрондық үкіметі

Ауа райы

Сауал

Коммуналдық мекемелер қызметіне көңіліңіз тола ма?

Сыбайлас жемқорлыққа қарсы күрес